WANAOBEZA MWENGE WA UHURU WASHAURIWE KWENDA MILEMBE

Na  Walter  Mguluchuma

  Katavi  yetu Blog.

  Kiongozi  wa  mbio  za   Mwenge  wa  Uhuru   Kitaifa Gaeorge    Mbijima   amewataka  Watanzania  kuwapuuza  viongoz    wa   vyama   vya   siasai  wanaowapotosha  wananchi  kuwa   Mwenge  wa  uhuru  ni  wachama   kimoja cha   siasa  washauliwe  wakatibiwe  Milembe  Hospitali

  Kiongozi  wa  mbio  za   mwenge  alitowa   kauli  hiyo  hapo  jana  wakati  alipokuwa akiwatutubia  wananchi  wa    Tarafa  ya  Inyonga    Wilaya  ya   Mlele  Mkoani    Katavi   kwenye  uwanja  wa  shule ya  msingi  Inyonga  mara   baada  ya  kukabidhiwa   risala  ya  itii kwa  Rais  kutoka  Wilaya  ya   Mlele .

Alisema  wapo  baadhi  ya   viongozi  wa  vyama  vya  siasa  wamekuwa  wakiwapotosha  watu kuwa   mwenge  wa  uhuru  ni   wachama  cha  siasa  wakati  sivyo   hivyo  bali   mwenge  wa  uhuru  ni  Wawatanzania  wote .

Mbijimi alisema  watu  hao  wanaoubeza  mwenge  ni   vizuri  wakashauliwa   waende   hospitali  ya  Milembe  Dodoma  kwa  ajili ya  kutibiwa    kwani  lazima  watakuwa  na  ugonjwa   ambao  matibabu  yake   yanapatikana   Milembe.

  Alifafanua  kuwa  ni   vema  watu  wakatambua  kuwa  mwenge  wa  uhuru  sio wa    Cuf,,  CCM,   CHADEMA ,  ACT  wala   chama  chochote  cha   siasa  mbali  ni   mali  ya   watanzania  wote   bila  kujali  itikadi   za  vyama  wala   dini  yoyote.

  Pia   aliwataka  Watanzania  kuwaepukana  na  watu  ambao  wanataka  kuwabagua  Watanzania    kwa   itikadi  za   vyama na  dini   bali  watambue kuwa  watanzania  wote ni  wamoja  .

Kiongozi  huyo  wa  mbio  za  Mwenge  alizitaka  Halmashauri  zihakikishe  fedha  zinazotengwa  kwa  ajiri  ya   vijana    zinawafikia  kama  ilivyopangwa  na   sio  vinginevyo.

 Jumla  ya  miradi  ya  maendeleo  kumi  na  mbili    yenye   thamani ya   shilingi  Bilioni  2.05   ilizinduliwa  na  kuwekewa  mawe ya  msingi  wakati  wa  mbio  za mwenge  katika  Halmashauri  ya   Wilaya  ya   Mlele.