MWENGE WAZIDUA MIRADI YA MAENDELEO YA ZAIDI YA SHILINGI BILIONI 2 HALMASHAURI YA MLELE

 

Na   Walter    Mguluchuma.

Katavi.

Mwenge  wa  Uhuru  umezindua   miradi mbalimbali ya  maendeleo ya  zaidi ya   shilingi   Bilioni 2.05  wakati  wa  mbio  zake   katika   Halmashauri ya   Wilaya  ya   Mlele   Mkoani   Katavi   huku  zaidi ya  shilingi  milioni  300. 3  zikiwa   ni fedha  za  kutoka  kwa  wahisani  na   Shilingi   milioni  412  fedha  za kutoka   katika    Halmashauri  hiyo  huku  Serikali kuu ikitowa  zaidi ya  shilingi  Bilioni  1.6

  Hayo yalisemwa  hapo  jana  na   Katibu   Tawala  wa  Wilaya  ya   Mlele   Epherance  Tenganamba  wakati  alipokuwa  akisoma   kiapo   cha   utii kwa  Rais  wa  Serikali  ya   Jamhuri ya  Muungano wa  Tanzania    cha  Wilaya ya   Mlele   mbele  ya  kiongozi  wa  mbio  za   Mwenge  George  Mbijima   kwenye   uwanja  wa  shule  ya   Msingi  Inyonga .

Jumla  ya  miradi  12  ilizinduliwa wakati wa  mbio  hizo  za  mwenge   kati ya  miradi  hiyo  miradi  mitatu  iwekwa  mawe     ya  jiwe  na   msingi  na  kiongozi  wa  mbio  za  mwenge  Kitaifa .

Kati     ya  fedha  hizo   shilingi  Bilioni  1.6  ziritoka   serikalini  kuu  shilingi  milioni   412 kzilitoka   Halmashauri   wahisani walichangia  shilingi  milioni  333  na    wananchi  walichagia  shilingi  milioni   25.

Tenganamba  alieleza mwaka  jana kwenye   Halmashauri  hiyo   Mwenge  wa   uhuru  ulizindua miradi na  kuweka  maawe ya    msingi   kwenye  miradi   iliyogharimu   kiasi  cha  shilingi  milioni  913   ambapo   Serikali   kuu ilichangia  kiasi  cha    shilingi  milini  544  Halmashauri  shilingi     milioni  263.2 na  wahisani  walichangia   kiasi  cha  shilingi  milioni 100.

  Aliitaja  miradi  iliyowekewa  jiwe  la   Msingi mwaka  huu kuwa  ni   ujenzi wa  nyumba  tano  za  kuishi   waalimu  wa  shule  za   Kata  ya   utende ,  ujenzi wa  nyumba     tano  za  kuishi  watumishi  wa  Halmashauri  ya   Mlele  na    ujenzi    wa   chumba cha     kuhifadhi  maiti  katika  hospitali   tarajiwa  ya   Wilaya  ya  Mlele .

Baadhi  ya  miradi  iliyozinduliwa na  kiongozi  wa  mbio  za   mwenge   Kitaifa  ni   ofisi  ndogo  ya  Halmashauri  ya  Wilaya  ya   Mlele        Dirisha  la  kutolea  dawa kwa  ajiri ya  wazee  katika   hospitali   tarajiwa  ya  mlele   ambayo ilijengwa  kama  kituo  cha  afya     barabara  ya  lami  yenye  urefu  wa  kilometa  mbili  kuzunguka  mji  wa   Inyonga   pamoja  na  kituo  cha michezo  ambacho kinatumika pia  kwa  ajiri ya  kuwaelimisha  vijana  waache  kutumia  dawa  za  kulevya .

Nae  Kiongozi  wa  Mbio  za  Mwenge    Kitaifa   Geoge    Mbijima  aliwaka  Wanzania  wasidharauliane kwa  ajiri ya  itikadi  za  siasa  wala  dini .

  Pia  watu wawaheshimu   viongozi   walioko  madarakani   nao  viongozi  wawatumikie   vizuri  watu  wanao  waongoza  bila   kujali  itikadi  za  vyama  vyao  vya  siasa .

Mbijima aliwaasa  vijana  kuwa  na  tabia ya  kufanya  kazi  na  wawe  wanachangia   maendeleo ya  Taifa   badala  ya  kuwa  wanajihusisha  na  matukio ya  uharifu  na  dawa za  kulevya   kwani   serikali ya  awamu ya  tano  inataka  mabadiliko  kwenye  kila  sekta .

Alizita  Halmashauri  kuhakikisha  kila  kinachotakiwa  kuwafikia  vijana   kutoka  katika  Halmashauri  kina  wafikia  na  vijana  wajiunge  kwenye   vikundi  ili  waweze kunufaika  na  mikopo  itakayokuwa  ikitolewa  kwenye   Halmashauri  zao   .