TAKUKURU KATAVI WAPOKEA JUMLA YA MALALAMIKO 78 YA VITENDO VYA RUSHWA NA MAJALADA 115 YANACHUNGUZWA.

          Na  Walter   Mguluchuma.

                    Katavi .

 Taasisi ya  kuzuia na kupambana na Rushwa  TAKUKURU  Mkoa wa  Katavi   katika  kutekeleza  majukumu yake  kwa kipindi cha kuanzia  julai 2017  hadi    machi 2018 imepokea  jumla ya  malalamiko   78 ya vitendo vya  rushwa  na kufungua  majalada 18 ya uchunguzi  huku ofisi hiyo  ikiwa na majalada  115 ya uchunguzi   yanayoendelea  kuchunguzwa .

Hayo yalisemwa  hapo jana  na  Kaimu  mkuu wa  TAKUKURU  wa  Mkoa wa   Katavi    Cristophar   Nakua wakati  alipokuwa  akisoma  taarifa ya  utekelezaji ya   kipindi cha  robo  tatu ya  mwaka  kwa  Wandishi wa  habari wa  vyombo  mbalimbali ofisini  kwake .

 Alisema Taasisisi ya  kuzuia na kupambana na  Rushwa  ni  moja ya Taasisi  za  Serikali  inayotekeleza  majukumu yake  kwa mujibu wa  sheria  na kuandaa taarifa   za  utendaji kazi  ya kila mwezi ,robo mwaka  ,nusu na mwaka mzima kwa ajiri  kujipima  kulingana na mpango  mkakati wa Taasisi hiyo.

 Alifafanua kuwa  taarifa zilizopokelewa   zimeanisha  idara   Taasisi   mbalimbali  zilizotuhumiwa  na vitendo vya  rushwa  ikiwa ni  Taasisi za  Serikali  na binafsi   ambapo   Halmashauri   kimkoa  zina  jumla  ya  malalamiko 78,polisi 6 chama cha ushirika  2 sekta  binafsi  2 na  siasa mawili  uhamiaji  moja .

Mengine ni  malalamiko  ni  upande wa  Serikali  ya  vijiji  malamiko 10,  baraza  la   ardhi  na  nyumba   Wilaya moja  ,Baraza  la  kata ,  Tanesco , uhamiaji ,0fisi ya   makazi ya wakimbizi  na  sekta ya  madini .

Nakua  alieleza  kuwa   TAKUKURU    Mkoa  wa  Katavi  inajumala  ya kesi 13 zinazoendelea  Mahakamani  zikiwa  katika  hatua  mbalimbali  huku  kesi sita   zikiwa  ni  kesi  mpya .

 Katika  kuelimisha  umma  makundi  mbalimbali  yamefikiwa  kukiwa  na lengo  ya kuyaongezea  makundi  hayo ufahamu  wa kutosha  wa masuala ya rushwa  ili yawe na  ufahamu wa kutosha  wa maswala ya rushwa   ili  yawe  mstari wa mbele  katika   mapambano dhidi ya rushwa .

  TAKUKURU  Mkoa wa  Katavi imefanikiwa  kuokoa  TSHS 3 ,045,000 ambazo ni  marejesho  ya mshahara  uliolipwa  kwa  mtumishi  aliyekuwa  amefariki ambae  alikuwa  ni mtumishi wa  Halmashauri ya  Wilaya ya  Mlele.

Nakua  alisema  pIA wameweza  kufanya kazi ya  ufuatiliaji  wa fedha  za miradi  ya maendeleo  katika  Halmashauri  ya  Wilaya ya Mlele  ambapo jumla ya  fedha  za miradi  yenye thamani ya Tshs 3,806 380,694. Imefanyiwa ufuatiliaji na  TAKUKURU   Mkoa wa  Katavi.

MWISHO