HATARI: AUWA KWA KUKATWA NA MAPANGA WAKATI AKIWA ANAOTA MOTO NA WATOTO WAKE WATATU

Na  Walter  Mguluchuma

Mpanda Katavi

Mtu   mmoja aliyetambulika kwa jina la  Sado  Shija (45) Mkazi wa  Kata ya Sibwesa  Tarafa ya Mwese Wilaya ya Mpanda Mkoani hapa  ameuwawa kikatili  kwa kukatwakatwa na mapanga  na watu watatu wasio fahamika  huku watoto wake wakiwa  wanashuhudia  mauwaji hayo

Kwa mujibu wa Kamanda wa Jeshi la Polisi wa Mkoa wa Katavi Dhahiri Kidavashari  tukio hilo la mauwaji ya kinyama na yakusikitisha  yalitokea hapo juzi majira ya saa mbili na nusu usiku  nyumbani kwa marehemu

 Alisema siku hiyo ya tukio  marehemu alikuwa amekaa nyumbani kwake  nje  akiwa na watoto wake watatu  ambao ni  Shinje   Italam(25) Mbuke  Italam(10) na  Ikollo Italam(7) huku wakiwa wanaota moto  baada ya  kumaliza kula chakula cha usiku

 Ndipo ghafla  walitokea watu  watu watatu wasiofahamika    huku wakiwa na  tochi ambazo walizitumia  kuwamulika  na mikononi wakiwa na mapanga  na walibisha  hodi kwa lugha ya  Kabila la  Kisukuma

 Alisema  kisha watu hao walianza kumshambulia mtoto mkubwa wa marehemu aitwaye Shinje kwa kumpiga na fimbo kwenye sehemu  mbalimbali za mwili wake  hari ambayoilimfanya akimbie mbio na kumwacha marehemu na wadogo zake hata hivyo mmoja wa watu hao  alimkimbiza lakini hakufanikiwa kumkamata

Kidavashari  alieleza  kuwa watu wawili waliokuwa wamebaki walianza kumshambulia marehemu kwa kumkatakata   kwa mapanga  huku watoto wake wakiwa wanashuhudia  hadi baba yao alipofariki Dunia

 Alisema marehemu  wakati wa uhai wake  kabla haja hamia kwenye kijiji hicho alikuwa akiishi   huko katika kijiji cha Usevya T arafa ya Mpimbwe Wilaya ya Mlele  pamoja na mke wake mkubwa aitwaye  Mwanamlekwa  Italam na siku za nyuma aliwahi kuandikiwa barua mara nne  za kumtishia  kuwa asipo hama kwenye kwenye nyumba  ambayo  walikuwa  wakishi na   mke wake  mkubwa  atauwawa kwa kukatwa na mapanga

 Kamanda  alieleza  Inasadikiwa barua hizo za vitisho zilikuwa zimeandikwa na  shemeji wa marehemu aitwaye   Nyandaco     Giduja

Alisema   watu wawili ambao ni watoto wa marehemu  Shinje  Italam 25 na Shile  Italam  wanashikiliwa na jeshi la  polisi  kwa tuhuma za mauwaji hayo  ambao wanadaiwa  walikuwa na ugomvi na  baba yao wa  kugombea ng’ombe 20 walizokuwa wanadai zilitolewa kama mahari za dada yao wakati alipokuwa akiolewa  madai ambayo yalikuwa yakiungwa mkono na shemeji ya marehemu

 Kamanda Kidavashari alieleza watuhumiwa   wanatarajiwa kufikishwa mahakamani  wakati wowote  mara baada ya uchunguzi  wa tukio hilo utakapo kuwa umekamilika

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.