CCM MPANDA YATOA TAMKO KWA SERIKALI ISHUGHULIKIE UBADHILIFU‏

Na Walter Mguluchuma

Mpanda

Viongozi wa Serikali wa Wilaya ya Mpanda  wameagizwa kuwachukulia hatua  watu wote waliohusika na  ubadirifu wa  miradi mbambali  ya ujenzi wa majengo na barabara  zikiwemo pesa  shilingi milioni 75 za ujenzi wa madarasa mawili yashule ya Msingi Azimio  ya walemavu wa mtindio w aubongo

katibu wa Idara ya ikikadi  na uenezi wa CCM  Wilaya ya Mpanda Joseph Lwamba  alisema maagizo hayo yametolewa hapo jana katika kikao cha kamati ya siasa ya Wilaya ya Mpanda

Alisema katika kikao hicho cha kamati ya siasa ya Wilaya hii  kimebaini uwepo wa ubadilifu wa fedha katika  idara ya ujenzi  na idara ya Ardhi inalalamikiwa  na wananchi  kutokana na kero mbalimbali  hivyo wamemuagiza Mkuu wa Wilaya ya Mpanda na Mkurugenzi mtendaji wa Halmashauri ya Mji huu kuwachukulia hatua wale wote waliohusika na ubadilifu huo

Lwamba aliitaja miradi  ambayo imefanyiwa ubadirifu ni ujenzi wa  madarasa mawili kwaajiri ya wanafunzi wenye mtindio wa ubongo katika shule ya Msingi Azimio iliyopo katika Halmashauri ya Mji wa Mpanda ambapo Serikali ilitowa shilingi milioni 50  hapo mwaka 2010 na Halmashauri ikatowa milioni 25 na kufanya jumla ya shilingi milioni 75

Alifafanua kuwa pamoja na fedha hizo majengo ya madarasa hayo mawili mpaka sasa hivi hayaja kamilika

Aliitaja miradi mingine inayo daiwa  kuwa na ubadirifu wa fedha ni  majengo mawili ya Maabara Katika shule ya Sekondari ya Misunkumilo  ambayo kamati ya Siasa ilipo ya tembelea ikiwa  wataalumu mbalimbali walibaini kuwa majengo hayo yamejengwa chini ya kiwango na kiasi cha pesa shilingi milioni 17 hazijulikani zilikwenda wapi

Katibu  huyo wa uenezi  alieleza  miradi mingine ni ya ujenzi wa Barabara katika  eneo la Mtaa wa Air Tel ambapo kamati hiyo imemwagiza mkuu wa Wilaya awasilshe kwenye kikao kijacho   taarifa inayoonyesha kiasi cha pesa  zilizotumika kwenye ujenzi wa barabara hizo

Pia walimuagiza Mkuu wa Wilaya hii na Mwenyekiti wa Halmashauri ya Mji  kutowa taarifa kwenye kikao kijacho juu ya ujenzi wa barabara ya Kakese Mwamkuru ambayo imejengwa chini ya kiwango  na kamati hiyo imehoji kwanini mkandarasi alikuwa anapeleka vifaa usiku na kufanya kazi usiku  ndioinaweza ikawa chanzo cha barabara hiyo kujengwa chini ya kiwango

Kwa upande wa Idara ya Ardhi kamati ya siasa ya Wilaya ya Mpanda imemwagiza mkuu wa Wilaya  huhakikisha idara ya Ardhi inawapatia kiwanja cha ekari 20 kanisa la KKKT chenye namba 1417FF ambacho walikiomba tuka mwaka 2007 na walilipia shilingi 1,137,000 mpaka sasa bado wanazungushwa kupewa  hivyo kamati hiyo imemwagiza afatilie na wapewe kwa bei ile le ya wakati ule

Nae mwenyekiti wa Halmashari ya Mji wa Mpanda Enock Gwambasa  alisema  ni kweli Halmashari ya Mji wa Mpanda inakabiliwa na changamoto hizo  zilizo  tolewa na kamati ya siasa ya Wilaya hii

Alisema  tayari Halmashari  yake imeisha anza  kushughulikia  changamo hizo  na  kwa kuwachukulia hatatua mbalimbali baadhi ya watumishi waliohusika na  wakandarasi   kurudia kazi kwa gharama zao

Kwa upande wake mkuu wa Wilaya ya Mpanda Paza Mwamlima  alisema kuwa yeye  ni mjumbe wa kamati ya siasa  na hakuwepo kwenye kikao hicho  na wala alikuwa haja fikishiwa  matamko hayo kwa maandishi zaidi ya kuulizwa  taarifa hizi kupitia  mwandishi wa habari hizi

Kwa mujibu wa vyanzo vya habari   inadaiwa mkuu hiyo wa Wilaya aliitwa kwenye kikao hicho  lakini hakuweza kufika kwa kile alicho dai kuwa ana wageni