wakazi wa mpanda wakabiliwa na tatizo la hati miliki za viwanja

Walter Mguluchuma-Mpanda.

IDARA  ya  ardhi  katika  Halmshauri ya Mji  wa Mpanda  mkoani  Katavi  inashutumiwa kwa kushindwa  kuwapatia wakazi  wa  mji  huo  hati  za  viwanja  kwa  miaka  kadhaa sasa  hivyo  kusababisha  wakazi  hao kuendelea  kuwa  maskini ..

Hayo  yalibainishwa  na  Mwenyekiti  wa  Chama  cha  Mapinduzi  (CCM)  wilayani Mpanda,  Beda Katani wakati  akichangia  katika  mkutano wa wadau  uliokuwa  ukijadili Mpango  Kamambe  wa Mji  wa Mpanda   uliofanyika  juzi  mjini  hapa .

Mpango  huo   Kamabe wa Mji  wa Mpanda  unatoa  dira ya   ukuaji  wa mji  huo  ambao unaandaliwa  kuwa  Manisipaa tarajiwa  mika  kumi  ijayo ikiwa ni  jitihada  za makusudi za  kukabiliana na tatizo sugu  la  bomoa bomoa za mara kwa mara  kutokana  na makazi  wa  watu  katika  miji  kujengwa kiholela .

Bila ya  kuumauma  maneno  alisema kuwa  kutokana na uzembe   huo  wa  maofisa wa  idara  hiyo ya  ardhi  ume sababisha  kero  kubwa  na umaskini  kwa  wakazi  wengi wa  mji  huo  kwani   wanashindwa  kukopa  katika  taasisi  za kibenki  kwa kuwa hawana  hati  za  viwanja  wanavyomiliki  kihalali .

“Wakazi   wa mji  huu  sasa  wanaendelea  kuwa maskini  kutokana  na  maofisa  ardhi kushindwa  kuwapatia  hati  za  viwanja   wanavyovimiliki  kihalali  hii  inasikitisha  sana kwani  baadhi ya  wanamiliki na kujenga  nyumba zao  kwenye  viwanja  hivyo  bila kuwa na hati   hiyo  kwa  zaidi ya  mika  hadi  kumi “ alisema .

Hoja  hiyo  iliungwa mkono  na  wadau  wengi  mkutanoni  humo  huku  wakiitaka  Idara ya  Ardhi  katika  Halmshauri  hiyo ya Mji  Mpanda  kuharakisha upimaji  wa  viwanja  ili kuepusha  ujenzi  holela  wa makazi  ya watu  unaoendela  kwa kasi  kubwa  katika viunga  vya  mji  huo .

Kwa upande  wake  Mkurugenzi wa Halmashauri ya  Mpanda Mji , Selemani  Lukanga  alisema  kuwa  Mpango  huo  Kamambe wa Mpanda Mji ulioanza   2010  unao tarajiwa kumamilika  2034 utarahisisha   mji huo  kutekeleza  kwa  vitendo sheria ya ardhi ya namba 4 ya mwaka 1999.

Sheria  ambazo zinahimiza  upangaji ,usimamiaji  na utekelezaji  wa mipango  kabambe ya  matumizi ya ardhi  ili kudhibiti  na kuratibu ukuaji  wa miji  na kuufanya mji kukua  katika mpangilio uliokusudiwa  

Aliongeza kuwa pamoja na  mafanikio  hayo  bado  Halmshauri  hiyo  inakabiliwa  na changamoto  kadhaa   zikiwemo ongezeko la watu  na shughuli  za kiuchumi ,uelewa mdogo wa wananchi  juu ya sheria  na taratibu za  uendelezaji  wa  mji .

“Ujenzi holela wa makazi  ya  watu , uhaba mkubwa  wa  wataalamu pamoja  na ongezeko  la shughuli  zisizo  rasimi  na ufinyu wa  bajeti  katika kutekeleza mpango huu ni  changamoto  kubwa tunazo kabiliana nazo  kwa  sasa “  alisisitiza

 huu  unatowa dira ya   ukuaji  wa Mji  wa Mpanda ili kuandaa Manisipaa tarajiwa  ya Mpanda na kuondoa tatizo  la mji kutokuwa kwenye mpango maalumu  kama ambavyoilivyo kwenye baadhi ya miji ambayo  haiko kimpangilio na matokeo yake kumekuwa na bomoa bomoa za mara kwa mara