AKAMATWA NA POLISI KWA KUMSHAMBULIA MWANAMKE BAADA YA KUMKATAA‏

Na Walter Mguluchuma

Mpanda Katavi

Mtu mmoja aliyefahamika kwa jina la Philbert Silali (19) Mkazi wa Mtaa wa Kazima Mjini Mpanda  anashikiliwa na jeshi la polisi  kwa tuhuma za kumshambulia kwa ngumi na mateke   msichana  aliye mkataa kufanya nae mapenzi

Tukio hilo la wivu wa kimapenzi lilitokea hapo  Septemba 17 mwaka huu majira ya saa saa kumi na mbili jioni  katika Mtaa wa Kazima Mjini  Mpanda Mkoa wa Katavi

Kamanda wa Polisi wa Mkoa wa Katavi Dhahiri Kidavashari  alisema siku hiyo ya tukio mtuhumiwa alikutana na Mary Pius (15)   na kisha  mtuhumiwa limuomba msichana huyo  awe rafiki yake wa kimapenzi

Alieleza   pamoja mtuhumiwa kutowa ombi hilo la kutaka urafiki wa Kimapenzi  kwa msichana huyo  alimkatalilia katakata kwa kile alicho kieleza  kuwa haitaji kuwa na mausiano ya aina yoyote    na mwanaume  ya kimapenzi kwa sasa

Baada  ya msichana  kumkatalia mtuhumiwa  alipandwa na hasira  na ndipo alipoamua kumshambulia kwa kumpiga  ngumi na mateke  katika sehemu mbalimbali za mwili wake

Alisema Kamanda Kidavashari  baada ya kuona kipigo kinazidi msichana huyo alianza kupiga mayowe ya kuomba msaada  ambapo aliweza kuokolewa na  watu  waliokuwa jirani na eneo hilo 

Mtuhumiwa  aliweza kukamatwa na watu hao walio mwokoa  msichana aliyekuwa  akipata kichato  na waliweza kumfikisha kwenye kituo cha polisi cha Mpanda mjini

Kamanda wa Polisi wa Mkoa wa Katavi  alisema mtuhumiwa anatarajiwa kifikishwa mahakamani  baada ya upelelezi utakapo kuwa umekamilika