Waliokamatwa na SMG wafikishwa kotini

Na  Walter Mguluchuma

Mpanda

Watu wawili  wamefikishw kizimbani mbele ya mahakama ya Hakimu  mkazi ya Wilaya ya Mpanda kwa tuhuma za  kukamatwa na bunduki ya kivita aina ya SMG ikiwa na magazine  moja  na risasi  21 za Smg.

Walio fikishwa kizimbani mbele ya Hakimu mkazi mfawidhi Chiganga Tengwa wa mahakama hiyo ya hakimu mkazi ni Bosco  Mpamgwa ( 48) mkazi wa mtaa wa Mpanda hotel Mjini hapa na Frenk Sabuni ( 21) mkazi wa kijiji  cha Stalike Wilaya ya Mlel

Watuhumiwa

Mwendesha mashitaka  Insipekita msaidizi wa polisi Razalo Masemno  aliiambia mahakama kuwa washitakiwa hao wawili  walikamatwa  na bunduki hiyo aina ya Smg No BD17B804 huku ikiwa na Magazine moja na risasi 21 za bunduki aina ya Sar na Smg

Aliieleza mahakama kuwa watuhumiwa hao wawili walikamatwa hapo julai 20 mwaka huu majira ya saa sita na nusu usiku huko katika Kijiji  cha Stalike Wilaya ya Mlele huku silaha hiyo ikiwa na namba tofauti ya vifaa vilivyo tumika kutengenezea  bunduki hiyo

Mwendesha mashitaka  alisema mahakamani hapo watuhumiwa walikamatwa kufuatia taarifa za sili  zilizotolewa   na Raia wema kwa jeshi la Polisi  na Askari wa hifadhi ya Taifa ya wanyama pori ya Katavi

Mwendesha mashitaka aliendelea kuiambia mahakama kuwa watuhumiwa walikamatwa na askari polisi kwa kushirikiana na askari wa hifadhi ya Taifa ya Katavi huku wakiwa na bunduki hiyo huku mtuhumiwa Bosco  Mpangwa akiwa ameivaa huku akiwa ameifunika kwenye koti lake leusi

Watuhumiwa hao walikuwa wakielekea hifadhi ya Taifa ya Katavi  kwa ajiri ya ujangili katika hifadhi hiyo mwendesha mashitaka alidai kuwa watuhumiwa ni wazoefu wa maswala ya ujangili kwani wote wawili  wanakabiliwa na kesi nyingine katika mahakama hiyo walizo fikishwa nazo walishitakiwa kwa tuhuma za kukamatwa na nyara za Serikal pia bunduki hiyo inadaiwa walikuwa wakiitumia kwa matukio  ya uhalifu

Baada ya kusomewa mashitaka hayo watumiwa hao wawili  walikana mashitaka  hayo  namwendesha mashitaka aliiomba mahakama isitowe dhamana kwa watuhumiwa hao kwa kile alichoieleza mahakama watuhumiwa kosa hilo sio la kwanza kufanya la nama hiyo

Hakimu mkazi mfawidhi Chiganga Tengwa  aliamulu washitakiwa waende rumande hadi hapo Agosti 5 mwaka huu baada ya kushindwa kutimiza mashariti ya mdhamana ambapo kila mmoja alitakiwa awe na wadhamini wawili wenye mali zisizo hamishika