Aliyemuibia mzungu laptop akamatwa

Na Walter  Mguluchuma

Mpanda  Katavi

Jeshi la polisi  Mkoa wa Katavi limemkamata  Ramadhani  Issana .(32) mkazi wa Tabata  Dar es salaam  kwa tuhuma za kumwibia Ameriko  Bejarano  GALUZA  Raia wa Nchi ya Mexico  mkazi wa  Mkoa wa Arusha   laptop  moja aina ya Toshiba na nyaraka zake muhimu za kusafiria  ikiwemo pasipoti  yake  pamoja na pesa tasilimu  tsh 200,000 kwenye nyumba ya kulala wageni ya mjini hapa

Kaimu Kamanda wa jeshi  Mkoa wa Katavi Joseph Myovela alisema mtuhumiwa  alikamatwa  hapo jana majira ya saa kumi jioni katika mtaa wa Makanyagio mjini hapa baada ya kuwa amefanya wizi huo

Alisema siku hiyo ya tukio  mtuhumiwaRamadhani  alikuwa  amepanga katika  nyumba moja ya kulala  wageni na  Raia huyo wa Mexico  ambaye ni mfanya biashara wa madini katika nyumba ya kulala wageni inayoitwa Mijela iliyoko katika mtaa wa Majengo B mjini hapa