TASAF MANISPAA YA MPANDA IMEANZA UTARATIBU MPYA WA KULIPA WALENGWA KW A NJIA YA MTANDAO.

Na  Walter  Mguluchuma .

       Katavi

Mfuko wa   Hifadhi ya  Jamii  TASAF    katika   Halmashauri ya  Manispaa ya  Mpanda   Mkoa wa  Katavi  imeanzisha  utaratibu  mpya wa  kuwalipa  walengwa  wa   MFUKO  Kaya  maskini  kwa  njia ya  mtandao  na kuwafungulia   akaunti     Benki  bure.

Afisa  ufuatiliaji  wa  TASAF   wa  Manispaa ya   Mpanda   Twambulile   Solomon alisema     utaratibu huo   mpya wa kuwalipa    walengwa wa  mfuko huo  katika     Mkoa wa  Katavi  ulianza     mwezi julai  mwaka  jana   katika   Manispaa ya  Mpanda .

Utaratibu  huo   mpya  kwa  hapa  nchini  umeanza   katika   Halmashauri   16 kwa  ajiri ya  majaribio  na   kwa   Mkoa  wa   Katavi  utaratibu  huo  unafanyika  katika  Manispaa ya  Mpanda   huku  lengo  likiwa  ni    kutaka  utaratibu  huo   wa  malipo  kwa  njia ya  mtandao  ufanyike  katika  Halmashauri zote za  Mkoa wa  Katavi .

Twambulile  alisema   kwa  kipindi cha  kuanzia  Julai  mwaka  jana  hadi  sasa  wameisha  walipa  walengwa malipo yao  kwa  njia ya  mtandao  kiasi cha  Tshs  Milioni 67,459,500 .

 Alifafanua  kuwa    hadi  kufikia  mwezi wa  pili  mwaka  huu   dilisha  lilikuwa   linawalipa  walengwa 344  kwa  njia ya  mtandao  ambapo  kwa  kipindi cha  mwezi    machi    na   aprili  walengwe  wengine 300  wamejiunga  na  utaratibu huo wa kulipwa  kwa  njia ya  mtandao .

Afisa   ufuatiliaji   huyo wa  Tasaf   alisema kwa  kipindi cha  mwezi    Aprili  wameweza  kuwafungulia  walengwa  71   akaunti  katika    Benki ya  CRDB     Tawi  la   Mpanda   bila   malipo  yoyote  yale    na   akaunti zao   hazitakuwa  na   makato yoyote  yatakayo  katwa  kwenye   akaunti zao

  Alizitaja  mitaa  ambazo   walengwa  waliofunguliwa    akauti   Benki  kuwa ni    Kawajense   walengwa  wa  dirisha  30   Kamakuka  walengwa  14,  Mbugani  Kakese  walengwa  walengwa  24 na  Kijiji  cha  Mwamkulu  walengwa  4.

  Kwa   upande  wake  mmoja  wa  walengwa  hao    Salome   John   alisema  kuwa    utaratibu huo utawazidi  kuwahakikishia  usalama  zaidi wa  fedha  zao kuliko  ilivyokuwa  awali na  utawapunguzia  usumbufu wa kupanga  foleni   kwenye  malipo.

Mwenyekiti wa  Mtaa wa   Kawajense   Simon  Jumapili   alisema  utaratibu  huo wa walipo kwa  njia ya  mtandao   utawasaidia walengwa  kwenda  kuchukua   fedha  zao  kwa  muda  wanaotaka  wao  tofauti na  hapo  awali  walipokuwa wakipangiwa muda wa  kwenda kuchukua  fedha  zao.

Pia  utawafanya  walengwa wa mfuko  kwenda  kuchukua  fedha  zao  pindi   wanapokuwa  wamemaliza   shughuli  zao  za  nyumbani .