Mwenyekiti wa wakulima wa tumbaku avamiwa na majambazi na kupolwa

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na  Walter  Mguluchuma.

          Katavi .

Mwenyekiti wa  Chama cha  Msingi  cha ushirika wa  Wakulima wa  Tumbaku  Kasokola  katika  Wilaya ya  Mpanda  Mkoa wa  Katavi   Jonas   Msusa   amevamiwa na  majambazi wakati alipokuwa  amelala  nyumbani kwake  usiku wa  manane kwa kushambuliwa na silaha za  jadi na kujeruhiwa  vibaya katika  sehemu  mbalimbali za  mwili wake  na kisha kupolwa  kiasi cha zaidi ya Tshs 500,000.

  Tukio  hilo la  kuvamiwa na   kushambuliwa kwa   Mwenyekiti wa  Chama  hicho  cha    msingi cha   ushirika  wawakulima wa  tumbaku  lilitokea  hapo juzi  majira ya saa  nane  usiku   nyumbani   kwake   katika  Kijiji  cha  Kasokola  Wilayani  Mpanda .

Akizungumzia  tukio  hilo  Mwenyekiti wa   Serikali ya  Kijiji  hicho   Dominick  Fungameza    alieleza  uwa  siku  hiyo ya  tukio    Jonas    Msusa  alikuwa  amelala  nyumbani  kwake  na  familia  yake  ndipo walipotokea   majambazi hao na kuvunja  mlango na  kisha waliingia moja  kwa  moja  hadi kwenye  chumba alichokuwa  amelala  na  mkewe.

  Alisema baada ya  kuingia  ndani ya  chumba  majambazi hao waliukuwa wanne walianza kumshambulia  katika  sehemu  mbalimbali za  mwili wake  kwa kutumia  silaha   za  jadi  fimbo ,malungu  na kisu .

  Wakati wakimshambulia  mwenyekiti  huyo  mkewe  alikuwa  akishuhudia  kitendo  hicho na  alitakiwa  na  majambazi hao  asipige mayowe  na  endapo  angepiga  mayowe   walimtishia kuwa wangemuua.

  Alisema   baada ya  kumshambulia  na  kuona    amepoteza   fahamu  walipekua   kwenye  nguo  zake    alizokuwa   amevaa   mchana  na  ndipo walipoweza kufanikiwa  kuchukua  fedha   kiasi cha  Tshs 550,000 zilizokuwa  kwenye  suluale yake  na  kisha walitokomea kusiko julikana .

Majirani walifika  kwenye  eneo hilo   na walimkuta  Jonas  Msusa  akiwa   anagalagala  chini ya  sakafu  huku  akiwa  amepoteza  fahamu na  sehemu  za  mwili wake  zikiwa  na  majeraha  mbalimbali na  ndipo walipomkimbiza  kwenye  Hospitali ya  Manispaa ya   Mpanda  ambako   amelazwa  akiendelea kupatiwa  matibabu .

Akizungumza  na  mwandishi wa  habari hizi hili Jonas   Msusa huku  akiwa  amelazwa  katika  wodi ya  Bima ya  Afya  katika  Manispaa ya  Mpanda    alisema   majambazi  hao  alisema  kabla ya   kuwa  amepoteza   fahamu  aliweza  kupambana  nao kwa  zaidi ya  dakika 15 na  ndipo walipoweza kumzidi  nguvu.

  Alisema   siku  hiyo ya tukio  mchana wake  alifanya  kazi ya  kuongoza  kikao  cha  mkutano mkuu wa  chama  cha   Msingi  cha  ushirika wa wakulima wa  tumbaku  Kasokola  hivyo  anahisa  kuwa  majambazi hao walidhani kuwa   alikuwa  na  fedha  za  chama  hicho .

  Jeshi la  polisi  Mkoa wa  Katavi limethibitisha kutokea kwa  tukio la kuvamiwa na kupolwa kwa  mwenyekiti  huyo na  hakuna  hadi sasa  mtu  yoyote  alikamatwa kuhusiana  na tukio hilo.