VIONGOZI WAOMBA RAIS ASIMWAMISHE DC MHANDO WA WILAYA YA TANGANYIKA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na  Walter  Mguluchuma .

     Katavi

Katika   Hali   isiyo ya   kawaida  uongozi wa   Chama  na  Serikali  wa  Wilaya ya  Tanganyika  Mkoani  Katavi  umemwomba  Rais   John  Magufuli  kumwacha   Wilayani  humu  kwa  muda   mrefu   Mkuu wa  Wilaya   Salehe   Mhando kutokana  na  uchapakazi  wake  mzuri na  maendeleo   anayoyafanya  katika  Wilaya ya  Tanganyika .

  Mhando  ndio  Mkuu  wa   Wilaya ya  kwanza  wa  Tanganyika    iliyoko katika   Mkoa  wa  Katavi  iliyoanzishwa  mwaka 2016  na  kuwa  miongoni  mwa  wilaya  tatu  zinazounda  mkoa  huo.

Akizungumzia ombi  hilo  wakati wa   hafla ya  kupokea  msaada wa  vitanda vya  kujifunguliwa  akina  mama  wajawazito na  vya  kulalia wagonjwa  vilivyotolewa na   Benki ya  NMB    kwa  ajiri ya  kituo cha   Afya  Mwese iliyofanyika   katika  kituo  hicho cha  Afya   Mwenyekiti wa  Halmashauri ya  Mpanda  iliko   Tanganyia  Hamad  Mapengo   alisema  ombi  hilo  wanalitowa kutokana  na  uchapakazi wake  wa  Dc  huyo,kupenda   kwake   maendeleo  na  moyo wake wa kujituma .

 Alisema  kwa  muda  aliokaa na  kuiongoza   Wilaya  hiyo  kumekuwepo  na  mabadiliko  makubwa ya  maendeleo  kutokana  na  usimamizi  wa  DC  huyo  utadhani  amefanya kazi  kwenye  Wilaya  hiyo  wa  zaidi ya  miaka  mingi .

Mapengo   alieleza   Wilaya  hiyo  inayovijiji  55  na     Kata  16   lakini       Mkuu  huyo wa  Wilaya  kwa  kupenda  watu  na  kupenda  kuwatumikia  hakuna  sehemu  kwenye   Wilaya  hiyo  ambayo  haja  fika   hivyo    ni   vema     Rais   Magufuli    akamwacha      muda  mrefu  kwenye  wilaya ya   Tanganyika   ilizidi  kuwatumikia  wananchi na kuwaletea  Maendeleo.

Mbunge  wa  Jimbo  la   Mpanda   Vijijini  Moshi   Kakoso   Dc  huyo  anawapenda  wananchi wake  hivyo   ni  vema   apewe  ushirikiano  na   aendelee  kufanya  kazi  kwenye   Wilaya  hiyo   ili   izidi  kuwa  na   maendeleo .

AlIsema   yeye   mwenyewe  kama  Mbunge  wa  Jimbo  pekee  liliko  katika   Wilaya ya  Tanganyika   ambalo  ameliongoza  kwa  kipindi cha  pili  sasa  yapo  maeneo   ambayo  kama    mbunge  hajawahi  kufika   lakini  kwa  kipindi kifupi      DC huyo  amefika   na    kuonyesha  kuwa    Dc     amekuwa  mwenyeji  kuliko  hata  yeye  na  hiyo  inatokana  na  uchapakazi wake .

Kakoso   alieleza  yupo  tayari kufunga     safari kwenda  kwenye   mamlaka husika ilikuomba  ridhaa     mkuu  huyo  wa  Wilaya   aendelee  kufanya  kazi  kwenye   Wilaya ya  Tanganyika .

Diwani wa  viti   maalumu  Thiodola  Kisese  alisema kutokana  na  utendaji kazi wa       Salehe   Mhando   amekuwa  akipewa  majina  mbalimbali  kutokana  na  maendeleo   anayoyafanya kwa kusimamia  miradi ya  maendeleo kwa  karibu .

Alisema  wapo  wanao  mwita   mzee wa   malu malu  hii  ni  kutokana na  usimamizi wake  wa   majengo ya  shule  za   msingi na   sekondari  ambapo  kuna  shule    16  amezisimamia  na  sasa  zina  malu  malu  chini ya  sakafuwapo  wengine  wanamwita   maji  mdundiko  ni  kutokana  na   jitihada zake   alizozifanya za kuondoa  pampu za  maji     za  kusukumu  alizokuwa   alizozipa  jina bomba  mdundiko  na  sasa  wameweka  visima  vya  maji kwenye  maeneo ya  pampu  mdundiko.

MWISHO