NAIBU WAZIRI AIAGIZA KAMATI YA ULINZI KUHAKIKISHA DAWA HAZITOROSHWI NJE YA NCHI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter  Mguluchuma .

        Katavi .

Naibu  Waziri  wa  Afya , Maendeleo  ya  Jamii, Jinsia  Wazee na  Watoto Dr  Faustine  Ndungulile  ameiagiza  kamati ya ulinzi na usalama ya  Mkoa wa  Katavi kuhakikisha  wanazuia  dawa    za   binadamu  hazitoroshwi kwa  njia za   panya  kwenda    Nchi  za   jirani     na   zile  dawa  haramu  na  vipodozi   vinavyoingizwa  vinavyoingizwa   nchini kwa njia  haramu .

  Naibu  Waziri   alitowa   agizo  hilo  hapo  jana  wakati   alipokuwa   akizungumza  na   viongozi wa  Serikali wa   Mkoa  wa   Katavi kwenye  ofisi ya  Mkuu wa  Mkoa wa  Katavi wakati wa  ziara yake ya  siku  tatu   Mkoani   hapa .

   Alisema   Serikali       imeongeza    bajeti ya  ya  kununua  dawa   kutoka   shilingi   Bilioni   30  hadi  kufikia    shilingi  Bilioni   270   zikiwa   ni  mara  tisa  zaidi kwa  lengo la  kuboresha  zaidi huduma za   afya kwa  wananchi .

Pamoja   na   jitihada  hizo  za  Serikali za  kuboresha  huduma za  afya kwa kuongeza     bajeti  hiyo imekuwa  ikiwanufaisha   baadhi  ya  watu wa    nchi za jirani  kutokana  na   watu  kutorosha  dawa   kwa  njia za  panya  . na  kwenda  kuziuza  huko .

 Alisisitiza  kuwa  Serikali  haiko   tayari  kuona wala kusikia  wananchi wake  wanakosa  dawa    badala yake  watu wa  nje ya  Nchi  ndio  wanaonufaika   na  dawa    hizo   zinazonunuliwa   na  Serikali ya  Tanzania .

  Alisema     kutokana  na  hari  hiyo   anaiagiza    kamati ya ulinzi na   usalama ya   Mkoa wa  Katavi   kuhakikisha    dawa      zinazonunuliwa na   Serikali    havivushwi  kwenda    nchi   za   jirani  wala  kuruhusu  dawa    haramu na  vipodozi  kuingia    hapa   Nchini  kwa njia  haramu .

 Alisema  Wizara ya  Afya  imejipanga  hukakikisha   Hositali za  Mikoa inazisimia  ilizitowe  huduma    vizuri  na  pia  imeandaa    utaratibu wa kuvizawadia   vituo  vyote  vya   afya   ambavyo  vitakuwa  vimefanya   vizuri .  katika  kutowa  huduma  bora na  nzuri.

Mkuu wa  Mkoa wa  Katavi   ambae  pia  ni   Mwenyekiti wa  Kamati ya  ulinzi na   usalama ya  Mkoa wa   Katavi  Meja   Generali   Mstaafu   Raphaeli  Muhuga   alimwakikishia  Naibu  Waziri  kuwa    endapo      tatizo  hilo   kama  lipo watalifatilia  na  kulishughulikia  mara  moja.

  Pia  alisema   Mkoa wa  Katavi  unakabiliwa  na  changamoto ya kutokuwa  na  Hospitali ya   Mkoa  na   badala  yake      Hospitali ya   Halmashauri ya  Manispaa ya  Mpanda  ndio  inayotumiwa  kama  hositali ya   Mkoa  na  kwagharama ya   Bajeti ya Manispaa ya   Mpanda  hari  ambayo  inaifanya  Hositali   hiyo kuelemewa  na  mzigo .

Aliitaja   changamoto   nyingine  kuwa  ni    Halmashauri  za   Mkoa  huo   kutokuwa  na   Hositali zao  ambapo  katika  Halmashauri  tano  zilizopo  katika   Mkoa  huu  ni    Halmashauri ya  Manispaa ya  Mpanda  peke  yake  ndio   inayo  Hositali .

Nae   Mganga  Mkuu wa   Mkoa wa  Katavi  Dr    Yahaya    Hussein  alieleza  kuwa    Mkoa  umeendelea  kuongeza     bajeti  ya  dawa   ili  kuhakikisha  kuwa  huduma  za  dawa   zinapatikana  katika  ngazi zote  za kutolea   huduma .

Alifafanua  kuwa  kwa  mwaka 2012   bajeti ya  Mkoa ya  dawa  na vifaa  ilikuwa ni  shilingi  558,000,000.00  ambayo kimsingi ilikuwa haitosherezi  mahitaji ya  dawa  na  vifaa  tiba ,ukilinganishwa   na  bajeti  ya  mwaka  2017/ 2018 ambapo  Mkoa umetengewa  jumla ya  shilingi  Bilioni  2,917,363,715,00 ambayo  wanaamini  itaongeza   upatikanaji  wa dawa , vitendanishi  na vifaa tiba  kutoka  asilimia 54  hadi 93.

MWISHO