POLISI KATAVI WAPIGA MARUFU KUWAUZIA VILEO WATOTO WALIOCHINI YA MIAKA 18.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

      Na Walter   Mguluchuma .

              Katavi .

  Jeshi  la  Polisi  Mkoani  Katavi   limewaagiza  wamiliki  wote wa  Bar ,Grosery  na  sehemu   nyingine  zinazo  uza vinywaji  wahakikishe   wanazingatia   sheria  na  kanuni  za   sehemu ya  vileo i  wakati wa  kipindi  hiki  cha  sikuu ya  Krismas  na  mwaka  mpya  kwa kutowahudumia    vileo  vya  pombe  watoto  wote  walio  chini  ya  miaka  18.

Agizo  hilo  lilitolewa  hapo  jana  na   Kamanda  wa  Polisi wa   Mkoa wa   Katavi   Damasi  Nyanda  alipokuwa   akizungumza  na   Wandishi wa  Habari  ofisini  kwake  juu ya  namna   Mkoa wa  Katavi  ulivyo  jipanga   iliuendelee   kuwa  salama   dhidi ya  vitendo   vinavyo  weza  kuzorotesha   ustawi wa  amani na  utulivu  wakati wa kipindi  hiki cha  sikukuu.

 Aliwaagiza  wamiliki wa   bar ,  grosery na  sehemu   nyingine   za kuuza   vinywaji  wahakikishe   wanatowa  huduma kwa kuzingatia   kanuni za   vileo  kwa kuzingatia   muda wa kufunga ,kuhakikisha  usalama wa wateja wao  na mali zao   pamoja na kutowahudumia   vileo vya pombe watoto walio na umri wa  chini ya  miaka  18

Alisema  uzoefu   unaonyesha  kuwa  kipindi  kama  hiki   hukabiliwa   na  changamoto   mbalimbali  za  matukio  yanayozorotesha  ulinzi  na usalama  wa raia  na  mali zao   kama  vile  kuzuka  na kuongezeka kwa matukio ya uharifu ,kuongezeka  kwa  matukio ya  ajari za  barabarani ,watu  kufa   maji na watoto wadogo kupotea   katika  mazingira ya kutatanisha .

 Katika  kuhakikisha   matukio   kama  hayo  hayatokei  na  kuleta    athari kwa  wananchi wa  Katavi    aliwasisitiza  kila  mwananchi  anapaswa   azingatie   mambo yafuatayo   ambayo   aliyataja  kuwa ni .

  Watu  wajiepushe  na  mazingira   hatarishi  wakati  wa sikukuu  kwa kutosherekea  mbali na   makazi ya watu  na kutolewa pombe kupita kiasi  cha kushindwa  kufanya  maamuzi  sahihi .

Kutowaacha  watoto  wadogo  kuzurura   ovyo   pasipo   uangalizi  ilikuepukana  na   ajari   za  barabarani  na  kufa   maji  pamoja    na kupotea  kwa watoto .

Aidha   Kamanda   Nyanda   alieleza   Jeshi  la  Polisi   limejipanga   vyema   kuhakikisha   linadumisha   hali ya  ulinzi  na  usalama   katika  kipindi  hiki  cha   sikukuu  kwa   kufanya     doria   za  kutambulika    na  za  kutotambulika   usiku  na   mchana  kwenye  maeneo yote   yenye  mikusanyiko  kama  vile   kumbi  za  starehe , nyumba za ibada  na   kwenye  maeneo yote  tete   yenye   viashiria   vya uharifu .

Alisema    Jeshi  la  polisi   litahakikisha   hatua  kali  za  kisheria    zinachukuliwa  kwa  mtu au  kikundi   chochote   kitakachobainika  na kukamatwa  na makosa  ya kuhujumu  na kuzorotesha   usalama  katika  kipindi   hiki  cha    shamra   shamra  za   sikukuu  na kuendelea .

MWISHO