ALIYEKUWA DIWANI WA CCM NA MKEWE WAACHIWA HURU KESI YA MIKIA 2 YA TEMBO YENYE THAMANI YA MILIONI 45 .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter  Mguluchuma .

       Katavi .

   Mahakama  ya  Wilaya  ya  Mpanda   Mkoa  wa   Katavi  imemwachia   huru   aliyekuwa  Diwani wa   Kata  ya   Usevya     Tarafa  ya   Mpimbwe    CCM   Josem   Kalihosi  na   Mkewe  Marietha   Mpizi   kutoka na  kesi iliyokuwa  ikiwakabili     ya  kutumiwa   kukamatwa  wakiwa   na  mikia  miwili  ya    Tembo   yenye   thamani  ya   shilingi  Milioni   45.

Kaliyosi na  mkewe  waliachiwa  huru  na   Mahakama  ya   Wilaya  ya  Mpanda    hapo  jana   mbele  ya   Hakimu   Mkazi  wa  Mahakama  hiyo    Chiganga   Ntengwa  baada  ya  upande wa   mashitaka  kushindwa  kuthibitisha  ushahidi wa  kuwatia   hatia washitakiwa.

  Awali  katika  kesi hiyo  mwendesha  mashitaka  mwanasheria  wa  Serikali  wa  Mkoa  wa  Katavi   Jamira  Mziray   alidai  kuwa    Kalihosi    na  Mkewe  Marietha   walitenda  kosa   hilo  hapo   Oktoba  10  2013  katika   Kijiji  cha  Usevya   ambapo  kipindi  hicho     Kalihosi   wakati huo  alikuwa  ni   Diwani wa   Kata ya  Usevya   CCM.

 Mwanasheria   wa  huyo  wa   Serikali     alidai  kuwa   watumiwa  hao   walikamatwa  na  askari walikuwa  wakifanya  operesheni  ilijulikana  kwa   jina  la    tokomeza   wakiwa  na  mikia  miwili  ya   Tembo  yenye   thamani ya   shilingi  Milioni   45.

Mwendesha  mashitaka huyo   alidai  mahakamani     hapo  kuwa   watuhumiwa  walitenda  kosa  hilo  kinyume  cha    sheria    ya  kifungu  kidogo   namba     86 kidogo  cha  kwanza  na  chapili  na  kifungu  cha   sheria ya  uhifadhi  wa  wanyama  pori ya mwaka  2009  na  kifungu  cha   sheria    namba  57  ya  sheria ya  uhujumu    ya   makosa ya  kupanga   sura ya  200 ya  marekebisho ya  mwaka 2002.

Akisomo  hukumu  ya  kesi  hiyo  Hakimu  Chiganga   Ntengwa    aliiambia   Mahakama  kuwa  kutokana  na  mwenendo  mzima  wa   kesi   hiyo   Mahakama   imeona  kuwa     upande wa  mashita  umeshindwa  kutowa  ushahidi  wa  kuthibitisha  kuwatia hatiani  washitakiwa .

  Hivyo  kutoka  na    upande wa  mashitaka  kushindwa kutowa   shahidi wa kuwatia  hatiani  watuhumiwa    Mahakama   imeona  washitakiwa      Josam  Kalihosi  na   Marietha      Mpizi  hawa    hatia   hivyo    Mahakama  ya   Wilaya ya   Mpanda  imewaachia  huru .