HATARII: WANAFUNZI WAKIKE WAKUTWA WAKIWA WAMEPOTEZA FAHAMU KWENYE BWENI LAO HUKU WAKIWA WAMECHANJWA CHALE

Na  Walter  Mguluchuma

Katavi

Katika hari isiyotarajiwa  baadhi ya Wanafunzi Wasichana wa shule ya Sekondari ya Mpanda Ndogo Wilaya ya Mpanda Mkoa wa Katavi wamekutwa wakiwa kwenye bweni lao   walilokuwa wamelala huku wakiwa wamepoteza fahamu na miili yao kuchanjwa chale   bila wao kujitambua

 Tukio hilo la ajabu  lilitokea  usiku wa kuamkia jana shule hapo tukio ambalo limethibitishwa kutokea na Mkuu wa Wilaya ya Mpanda Paza Mwamlima

Kwa mujibu wa Mwenyekiti wa Bodi ya shule hiyo  iliyoko umbali wa kilometa 18 kutoka Mji wa   Pascal  Mnyongi  alisema kuwa  bweni hilo la wasichana lilikuwa na jumla ya wanafunzi 40 ambao walikuwa wamelala kwenye bweni hilo

 Alisema siku hiyo kabla ya tukio hilo wanafunzi hao wasichana  walikwenda kujisomea darasani kama ambavyo ilivyokuwa kawaida yao na walijisomea hadi majira ya saa nne usiku na kisha walirudi kwenye bweni lao na kulala

 Alieleza ilipotimia jana majira ya saa kumi na mbili na nusu asubuhi mwanafunzi  mmoja  wa kidato cha tatu aitwaye  Terezia Joseph  aliamka na kwenda  shule kwa lengo la kuwahi kupiga namba kwa ajiri ya kuhesabiwa kwa wanafunzi waliowahi  kufika shuleni hapo huku akiwa amewaacha wenzake wakiwa wamelala

Mwenyekiti  wa Bodi hiyo ya shule alieleza  Waalimu wa shule hiyo walishitushwa kuona muda unazidi kwenda huku wanafunzi waliokuwa wakilala kwenye bweni hilo wakiwa hawaonekani

  Waalimu hao waliamua kwenda kwenye bweni hilo ilikujua kilichokuwa kimewafanya wanafunzi hao washindwe kuwepo shuleni mida hiyo wakati sio kawaida yao

 Alisema waalimu hao walipofika kwenye bweni walijaribu kuwaita kwa kuwaamsha wanafunzi hao lakini hawakuweza kuitikia hari ambayo ilizidikuwashitua waalimu wao na kuamua kusukuma kwa nguvu mlango wa kuingilia ndani lakini walishindwa kufungua

Ndipo walipomwita mwanafunzi mwenza  Terezia  Joseph  ajaribu kuufungua mlango huo ambao ulikuwa umewashinda waalimu wake

 Alieleza ndipo  Terezia alipofika hapo na aliposukuma mlango huo ulifunguka  na kisha waalimu waliingia ndani ya bweni hilo na kuwakuta wanafunzi hao wasichana wakiwa wanagalala chini ya vitanda vyao huku wakiwa hawana fahamu na huku sehemu zote za miili yao ikiwa imechanjwa chale na mtu asiyefahamika

 Alisema  kati yao wanafunzi   12 hari zao zilikuwa ni mbaya hari ambayo  iliwalazimu kuwapeleka kwenye zahanati ya Jijiji cha Ifukutwa  na baada ya kupatiwa matibabu hali zao ziliendelea  vizuri na wameisha ruhusiwa kurudi nyumbani kwao

Mnyogi alisema  baada ya kutokea kwa tukio hilo bodi ya shule ilifanya kikao cha dharula na wazazi wa wanafunzi wanaosoma shuleni hapo na Mwenyekiti wa Waganga wa jadi wa Kata hiyo ya Mpanda Ndogo  kujadili hali hiyo  ambayo imekuwa ikitokea   mara kwa mara

 Alisema Mwenyekiti wa Waganga wa Jadi aliwaeleza  kuwa  kazi hiyo   ya kuzuia matukio hayo yasiendelee anaweza kuifanya  na kuondoa tatizo hilo kabisa shuleni hapo ila wanatakiwa wamlipe wazazi gharama kidogo ndipo wazazi wa wanafunzi walipochangishana na kufikisha kiasi cha shilingi Tsh 70,000 na kumkabidhi

 Alieleza mwezi januari mwaka huu  kulitpkea matukio  mawili kwenye bweni hilo ambapo tukio la kwanza  nguo zao  za ndani zilikutwa zimepangwa  chini kulingana na idadi ya wanafunzi wanaolala humo na tukio la pili wanafunzi hao walijikuta wakiwa wamefanya mapenzi bila wao kujitambua

Kwa upande wake Mkuu wa Wilaya ya Mpanda Paza  Mwamlima  amethibitisha kupokea kwa taarifa za tukio hilo la  kushangaza

 Amesema amesema anatarajia leo kufika shuleni  hapo na kufanya kikao na bodi ya shule , wazee maarufu ,na waganga wa jadi na viongozi wa madhehebu ya Dini mbalimbali kujadili hari hiyo

MWISHO

        

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.