Moto wachoma nyumba na kuua mtoto wa miaka mitatu

na walter nguluchuma mpanda katavi

WATU  wawili  wamekufa katika  matukio  tofauti  mkoani Rukwa  akiwemo mtoto Ester Sangu (3)  kufariki  dunia  baada ya nyumba yao kuteketezwa  kwa moto huku  ndugu zake wawili  wakiwa  wamejeruhiwa  vibaya.

Kaimu  Kamanda wa Polisi mkoa wa Rukwa,Longinus Tibishubwamu , amesema  kuwa tukio  hilo  lilitokea  kijijini Lunyala  wilayani Nkasi  Julai 29 , mwaka huu  saa  kumi na mbili jioni  na kuwataja  watoto  waliojeruhiwa  baada ya nyumba  yao hiyo kuteketezwa na moto  kuwani pammoja na Samweli Sangu (4) na Isaya Sangu (6)

Alisema  kuwa  tukio  hilo  la kuungua  moto  nyumba hiyo  lilitokea wakati marehemu  na  ndugu zake hao  wawili  walioachwa ndani ya nyumba hiyo  na bibi  yao  alipoenda kismani  kuchota maji  huku akiacha  amtenga maharagwe kwenye  jiko  lililokuwa likitumia kuni huku wakichochoea moto ili yaize haraka 

.

“Baada ya kuawacha  pale  nyumbani  wajukuu wake hao  watatu moto  wa kuni  uliokuwa ukiwaka  kwa nguvu  jikoni  cheche  zake  ziliruka  na nyasi zilizoezekwa kwenye paa  la nyumba  hiyo  zilishika moto  na kuteketeza nyumba  hiyo “ alisema

Kwa  mujibu wa Kaimu Kamanda huyo majirani  waliwahi  katika  eneo  la nyumba  hiyo  na kufanikiwa kuwaokoa  watoto  hao  wawili.

Katika  tukio lingine lililotokea  kijijini Kipa mwambao  mwa Ziwa Rukwa  wilayani Sumbawanga ambapo John mwabulambo (49)  alifariki  dunia  baada ya kushambuliwa  na kundi la wavuvi  wakimtuhumu  kuiba  nyavu  za kuvulia samaki  yenye  thamani  ya Sh 200,000.

Kwa mujibu wa Tibishubwamu  mtuhumiwa  aitwaye  Andrew Namboti (32) ananashikiliwa  kwa mahojiano  na Polisi  akihusishwa  na  tukio hilo  kwamba atafikishwa  mahakamani  mara  tu uchunguzi  wa shauri  lake  hilo utakapokamilika.