AJALI YA LORI YAUA WATATU MKOANI RUKWA NA KATAVI

mmoja kati ya majeruhi wa ajali hiyo akiwa wodini

Kamanda wa jeshi la polisi mkoani Rukwa Isuto Mantage amesema ajali hiyo ilihusisha lori aina ya Fuso lenye namba ya usajiri T620ABA mali ya Eliud Sanga mkazi wa kijiji cha Laela mkoani Rukwa

Mwandishi wa mtandao huu Willy Sumia kutoka Mpanda anaripoti kuwa katika ajali hiyo watu watatu wamefariki dunia na wengine tisa wamejeruhiwa na kulazwa katika hospitali ya wilaya yam panda mkoa wa katavi na wengine katika hospitali ya wilaya ya Nkasi mjini Namanyere

Amewataja waliofariki dunia kuwa ni Maha Lukwetula (51) mkazi wa shankala wilaya ya Mpanda, Kanwa (36) mkazi wa kijiji cha Itenka wilaya ya Mpanda na mtoto wake mwenye umri wa miaka mine (4) ambaye jina lake halikuweza kupatikana

Amewataja waliojeruhiwa kuwa ni Jeshi Charles (33) mkazi wa Namanyere, Juma Lukwetula (40) mkazi wa Shankala, Thomas Simwinga (25) mkazi wa Laela, Sailas Kuzenza (30) mkazi wa Mpalamawe na Linusi Kidomu (36)

Amewataja waliojeruhiwa wengine kuwa ni Shukuru Rafael (9) mkazi wa Laela, Francis Kidomu (24) mkazi wa Londokazi wilaya ya Nkasi na mmoja wao hajafahamika kwani hajitambui hawezi kuongea ambapo wote wamelazwa katika hospitali ya wilaya ya Mpanda

Amesema majeruhi Saidi (25) ambaye amekatika miguu yote miwili amelazwa katika hospitali ya wilaya ya Nkasi kutokana na hali yake kuwa mbaya

Kamanda Mantage amesema chanzo cha ajali ni kukatika kwa breki za lori hilo lilipokuwa likiteremka mlima Lyamba Lyamfipa Aprili 19, 2012 majira ya saa 8:30 mchana na dereva wa lori hilo anatafutwa na jeshi la polisi baada ya kukimbia mara baada ya ajali kutokea.

MWISHO