WAZIRI KALEMANI AZITAKA HALMASHAURI KUTENGA FEDHA KWA AJIRI YA KUINGIZA UMEME WA REA KWENYE TAASISI ZAKE .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter  Mguluchuma

         Katavi

Waziri wa   Nishati    Medadi  Kalemani   amezita   Halmashauri  zote   hapa    Nchini  kutenga  fedha  kwa  ajiri ya  kuingiza  umeme  wa   Rea  kwenye   Shule   na  kwenye   majengo yao ya  taasisi kwenye  maeneo yote   ambayo  umeme wa  Rea  umepita .

  Wito huo  aliutoka  hapo  jana  wakati  alipokuwa   akiwahutubia  Wakazi  wa  Tarafa  ya   Inyonga   kwenye  mkutano wake wa  hadhara  uliofanyika   katika   Shule ya   Msingi  Inyonga  wakati wa    ziara  yake  ya  siku  mbili   Mkoani    Katavi ya  kukagua   miradi ya   mitambo   za  kufua  umeme.

  Alisema  ni  jambo la  kushangaza  kuona  nguzo za  umeme   zimepita   karibu  kabisa  na   shule  na  kwenye   majengo ya   taasisi  nyingine  za    Halmashauri  huku  majengo  hayo yakiwa   hayana  umeme.

  Hivyo  ni    vema  kila   Halmashauri   ikatenga   fedha   kidogo  kwa    ajiri ya kuweka umeme  kwenye   majengo  ya taasisi  zake  kwani   gharama  ya  kuingiza  umeme    vijijini wa  Rea  ni  Tshs  27,000  tuu   hivyo  hauni  sababu ya   Halmashauri  kushindwa  kulipa   fedha  hizo  kidogo kwa   ajiri ya kuingiza  umeme   kwenye  majengo yake .

Kalemani    alisema   Serikali  imepanga   na  itahakikisha  kuwa  maeneo  yote   ya   vijiji    ambayo   hayakufikiwa  na umeme  wa  Rea   awamu ya  pili   vinapatiwa  umeme  katika   mpango    wa   mradi wa  umeme wa   Rea  awamu  ya  Tatu.

Alieleza   kuwa  shirika  la  umeme     Tanzania   TANESCO  litahakikisha   linafunga  umeme  kwa  kaya  kwa   kaya  na mtu kwa  mtu   bila  kujali   uzuri wa  nyumba   au     ubaya wa   nyumba    cha  msingi ni   mteja  awe   ametimiza   mashariti ya  kuingiziwa  umeme .

Mkuu wa  Mkoa  wa  Katavi   Meja   Generali  Mstaafu  Raphael  Muhuga    alisema      Mkoa  wa  Katavi   bado  unakabiliwa  na   tatizo   la  kupata  umeme      kidogo  kutokana na  Mkoa  huo  kutounganishwa   na umeme wa    Grid  ya  Taifa   hari   ambayo  inaufanya   Mkoa  huo kutumia   umeme wa   Genereta.

  Alieleza  kuwa   Katika   Mkoa wa  Katavi  ipo  Wilaya  ya   Tanganyika  ambayo baadhi ya   vijiji  toka    nchi  ilipopata  uhuru  walikuwa  hawaja  wahi  kuona  umeme    hadi  hapo   mwaka  jana   ambapo   baadhi ya   vijiji  vya  Wilaya  hiyo   walipopata  umeme wa  Rea.

Mwenyekiti wa    Bodi ya   Tanesco   Alexzanda  Kyaruzi  aliwaka  wananchi  kwenye   maeneo   yaliyofikiwa  na   umeme   wahamasike  kutumia  umeme  kwani   kuna  maeneo  umeme  umekuwa ukipotea   bure kutokana  na    baadhi ya  maeneo kuwa  na watumiaji wachache.

Mwandisi  wa   Mradi wa kufufua  umeme    Stephen    Manda     alieleza   Mkoa  wa   Katavi  unategemea mashine  tatu za  kufua  umeme   ambapo  mbili  zipo  Mjini    Mpanda    ambazo   zinawezo wa kuzalisha  umeme   negawati 2.5 na  mashine   nyingine  ipo   Inyonga   Wilayani    Mlele    inayozalisha  KW  420  ambayo  ilianza  kufanya  kazi  mwezi  oktoba  mwaka jana  pia  wanategemea   umeme wa   grid ya   Zambia  ambao upo  kwenye  vijiji     baadhi  vya  Halmashauri ya  Mpimbwe  Wilaya ya  Mlele .

Nae  Mkuu  wa   Wilaya ya  Mlele   Rachal  Kassanda   alisema   pamoja  na  jenereta ya   inyonga  kuzalisha   KW  420  lakini   mpaka  sasa    matumizi  yanayotumika  ni   KW  71 tuu kwa  wateja  335 waliunganishiwa  umeme  kwa  upande wa  Halmashauri ya  Mlele  na  kwa   wilaya  nzima   mpaka  sasa  ni  wateja   798 wameunganishiwa .

Aidha    jumla ya  wateja   336   bado  hawajapatiwa  umeme   bado   Serikali ya   Wilaya  kwa kushirikiana   na  TANESCO   wanaendelea   kutowa  elimu  na kuhamasisha  wananchi  ili  waunganishiwe  umeme   mapema  iwezekanavyo.

mwisho