KAIMU AFISA MTENDAJI WA KIJIJI AKAMATWA NA TAKUKURU KWA RUSHWA YA TSHS 150,000 YA KUMWINGIZA MTU NDANI YA HIFADHI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

Na  Walter  Mguluchuma.

       Katavi .

Taasisi ya   kuzuia na kupambana  na   Rushwa  TAKUKURU     Mkoa wa   Katavi  inamshikilia   Afisa   Mtendaji wa   Kijiji  cha  Kaulolo  Tarafa ya  Inyonga   Wilaya ya    Mlele   Mkoani   Katavi   Kevin  Elick   Malenge kwa tuhuma  za  kumkamata  akipokea  Rushwa ya  Tshs 150,000  kutoka kwa   mkazi  mmoja wa   Kijiji  hicho  ili  aweze kumrusu  kuishi na  kufanya  kazi  ndani ya   Hifadhi ya  mstu .

   Kaimu    Kamanda  wa  TAKUKURU  wa  Mkoa   wa   Katavi   Cristophar  Nakua   aliwaambia  jana   wandishi wa    habari   ofisini  kwake  kuwa   mtuhumiwa   huyo  alikamatwa  hapo juzi  majira ya  saa   nne  asubuhi  katika   eneo  la  Kijiji  cha  Kaulolo.

  Alisema  Mthumiwa  Kevin   alikamatwa  kufuatia  Takukuru kupatiwa  taarifa  kutoka  kwa  msiri wao      kuwa     Afisa   mtendaji  huyo  ameomba   kiasi  cha  Tshs   200,000  kwa msiri   huyo  ili  aweze   kumwingiza   ndani ya  hifadhi ya  mstu  ulipo kwenye  kijiji  hicho ili  aweze  kuishi  huko  na   kufanya   shughuli za  kilimo .

Nakua  alieleza kuwa    baada  ya  TAKUKURU  kupata  taarifa  hizo   ilianza   kufanya   uchunguzi  na  kubaini kuwa     Afisa  Mtendaji  huyo  amekuwa   akijihusisha na vitendo vya kuomba na  kupokea   Rushwa  kwa  watu  mbalimbali  kwa  kupokea  kiasi  cha   kati ya  Tshs  150,000  na  Tshs 200,000 kwa  lengo la  kuwaingiza  watu kuishi  ndani ya  hifadhi ya  msitu  kinyume  na   sheria .

  Baada ya  Takukuru kubaini    mpango huo wa  Afisa   mtendaji  wa  Kijiji kuomba   apatiwe   Rushwa ya  Tshs  200,000  ndipo    hapo  juzi   walipofanikiwa  kumkamata   mtuhumiwa   akiwa  katika   eneo  la  tukio   akipokea   rushwa  ya  Tshs  150,000.

  Alisema  baada  ya    mtuhumiwa  kukamatwa   akipokea   fedha    alichukuliwa  na  maafisa wa  Takukuru  kwa   ajiri ya   mahojiano  zaidi.

  Kaimu  Kamanda  Nakua   alisema mtuhumiwa alikiri kupokea rushwa hiyo na uchunguzi umekamilika sasa anatarajiwa kufikishwa mahakamani wakati wowote kuanzia sasa ili  kujibu tuhuma zinazomkabii.

Katika hatua nyingine  Kaimu Kamanda  Nakua ametoa wito kwa jamii kutojihusisha na vitendo vya kuomba na kupokea au kutoa rushwa na haitasita kuwachukulia hatua wale wote watakaojihusisha na vitendo vya rushwa hasa viongozi waliopewa thamana na serikali kulinda rasilimali za Taifa na hifadhi zetu, kwa kufuata kanuni taratibu na sheria za nchini.

Mwisho.