DC AIAGIZA HALMASHAURI YA NSIMBO KULIPA MADENI YA WAZABUNI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

Na  Walter  Mguluchuma.

       Katavi .

  Mkuu wa  Wilaya ya   Mpanda   Mkoani  Katavi  Lilian  Matinga   ameiagiza  Halmashauri ya  Nsimbo kuhakikisha  inawalipa   madeni   yote  wazabuni wanayoidai  Halmashauri hiyo ifikapo  Machi  31  na   endapo  kama watashindwa kuwalipa wazabuni hao ifikapo  tarehe  hiyo  Halmashauri  isikope  tena kwa  wazabuni  mpaka  hapo wanakapo kuwa wamelipa  madeni yao yote .

Mkuu  huyo wa  Wilaya ya   Mpanda   alitowa  agizo  hilo  hapo juzi wakati wa  kikao  cha   baraza  la  biashara la  Mkoa wa  Katavi  TCCIA   kilichofanyika   katika  ukumbi wa  idara ya   maji    mjini  hapa .

    Matinga  alisema   Halmashauri ya  Nsimbo   ndio   inayoongoza  katika  Halmashauri  zote  tano   zilizopo  katika   Mkoa  wa  Katavi kwa  kuwa    na  madeni  mengi  wanayodaiwa  na  wazabuni  mbalimbali   ambao wametowa  huduma  kwenye   Halmashauri  hiyo kwa  kipindi cha  muda  mrefu sasa.

  Alisisitiza kuwa  yeye  kama  Mkuu wa  Wilaya   amekuwa   afurahishwi na  tabia ya   Halmashauri  hiyo  kushindwa  kuwalipa  wazabuni wake na  huku  bado wakiendelea  kukopa  madeni mengine kwa  wazabuni hao .

 Alisema    ni  jambo la kusikitisha  sana  kwa   Halmashauri  kushindwa  kulipa  hata   mzabuni wa  chakula   hivyo   alimwagiza   Mkurugenzi wa  Halmashauri ya  Nsimbo  kuhakikisha  ifikapo  Machi 31  kuhakikisha  madeni yote  wanayodaiwa  na  wazabuni wao wawe  wameyalipa   vinginevyo  waache  kabisa kukopa kwa wabuni   mpaka  hapo watakapo kuwa wamelipa  madeni hayo  alisisitiza  DC  huyo.

  Miongoni  mwa wazabuni wanayoidai  Halmashauri ya  Nsimbo    madeni ya  toka  mwaka  2012  ni  wazabuni wa     chakula ,stashenali na  wakandarasi wa  majengo  mbalimbali ..

Mwenyekiti wa  TCCIA  wa  Mkoa wa  Katavi   Hassanal   Dalla   alisema   madai ya  wazabuni  hao  yamekuwa  ni ya  muda  mrefu  sasa  na  yamesababisha   baadhi ya  wafanya  biashara kushindwa kuendeleza   shughuli  zao .

 Alisema wazabuni   wamepata  usumbufu  mkubwa  kutoka  kwenye  taasisi    mbaimbali za  kibenki   ambako  wafanyabiashara  hao walichukuwa mikopo na  wameshindwa  kurudisha kwa  wakati .

  Amani  Mahera wa  jumuia  wa  jumuia  ya  Wafanya  biashara    Tanzania   tawi la  Mkoa wa  Katavi   alieleza  kuwa   hari  hiyo ya  kutolipwa  kwa  wazabuni  madai  yao kuwewasababishia   baadhi yao kufunga  biashara zao na wengine kufilisika .

  Hivyo  aliiomba   Halmashauri  hiyo   kuwalipa    fedha  zao  wazabuni hao  ili  nao  waweze kulipa  kodi za   serikali  kwani  inashangaza kwa  mfanya  biashara  kufungiwa      kampuni  na  biashara  zake na  mamlaka ya kukusanya  mapato  kwa kosa  la  kushindwa  kulipa  kodo wakati  nayeye  fedha  zake zipo     anaidai  Halmashauri .

MWISHO