MKOA WA KATAVI UNAENDELEA KUBORESHA AFYA YA UZAZI NA MTOTO.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

     Na  Walter   Mguluchuma.

             Katavi

  Mkoa wa  Katavi  umeendelea   kuboresha  huduma   za   afya  ya uzazi  na  mtoto   kwa  kuhakikisha  kuwa  afya ya   mama   inaimarika  wakati wa  ujauzito  na wakati wa  kujifungua   mtoto .

   Hayo yalisemwa  hapo  juzi   na   Mganga  Mkuu wa  Mkoa wa   Katavi   Dr     Yahaya  Hussein wakati  akisoma  taarifa ya  Mkoa wa  Katavi ya utekelezaji  wa  shughuli  za  Afya ,Maendeleo ya  Jamii    ,Jinsia ,Wazee  na  Watoto kwa   Naibu   Waziri wa  Afya Maendeleo  ya  Jamii   ,Jinsia , Wazee na  Watoto  Dr  Faustine   Ndungulile.

Kutokana  na  uboreshaji  huo  idadi ya wajawazito  wanaojifungulia   kwenye  vituo  vya kutolea  huduma  za   afya  imeongezeka  kutoka  wajawazito  17,334 kwa  mwaka 2012 sawa na  asilimia 50  hadi  17,411 sawa na   asilimia 79 kufikia  septemba  2017   lengo la   Mkoa  ni  kufikia  asilimia  87 ifikapo   Desemba  2018.

 Alisema  Mkoa wa   Katavi  umefanikiwa  kutenga   vyumba  kwa  ajiri ya  huduma  za  damu salama    tangu    Desemba  2015   katika  Hospitali ya  Manispaa  ya Mpanda ,Hospitali tarajiwa  ya  Halmashauri ya   Mlele  na kituo cha  afya   Karema .

  Katika  kipindi  cha  januari   hadi  Desemba  2017 jumla ya    chupa   4,747 za  damu   zilikusanywa  sawa na  asilimia  87.9  lengo ilikuwa ni kukusanya chupa  5,399 kwa mwaka  za  damu  kwa  ajiri  ya    dharula  za uzazi  na wagonjwa   wengine .

  Dr   Yahaya   alieleza  kuwa   Mkoa  umeendelea  kutekeleza  mpango  wa kutokomeza  maambukizi  ya VVU   kutoka  kwa mama  kwenda  kwa mtoto  ambapo  kwa kipindi  cha  januari hadi june 2017 wajawazito  28,603 walihudhuria  kiliniki  na  kati yao  25,955 walipimwa  maambukizi ya VVU   wakati wa ujauzito  sawa na   asilimia 90.7   ya   wajawazito wote waliohudhuria kiliniki.

  Aidha   jumla ya  wajawazito  603 waligundulika  kuwa  na   maambukizi   sawa  na  asilimia  2.3  ambapo   Mkoa   umefanikiwa  kutowa   mafunzo  ya   namna  ya kuzuia  maambukizi  ya VVU   kutoka  kwa mama  kwenda  kwa mtoto  kwa watowa huduma  za   afya  372 kutoka  katika  vituo  72 vya kutolea   huduma za  afya  na pia wakunga 123 walipatiwa mafunzo  ya huduma  za  dharula   wakati wa kujifungua.

Naibu  Waziri  Dr   Faustine   Ndungulile   alisema  Serikali   haitaki  kusikia      mtu   anae  kwenda  kwenye   vituo   vya kutolea   huduma ya   afya    anakosa   dawa  kwani   Serikali   imeongeza     bajeti ya   dawa  kwa   Mkoa wa   Katavi kutoka  milioni 300  hadi kufikia  zaidi ya  shilingi  bilioni  mbili .

 Alisema     pia  Serikali   imeongeza   bajeti ya  dawa  hapa  nchini   kutoka   shilingi bilioni 30  hadi kufikia   shilingi  bilioni 270 ikiwa  ni  ongezeko  la    mara  tisa ya  bajeti    ya  awali .

  Alizita   Halmashauri  kuweka   utaratibu wa  kulipa  motisha   wakunga wa   jadi wkwani wamekuwa wakitowa  msaada  mkubwa  sana  katika  kuokoa  uhai wa  mama  na   mtoto  hivyo   ni   budi   Halmashauri   zikawawezesha  kwa   kuwanunulia       vitendea  kazi.

MWISHO