WAZEE WA CCM WATOA TAMKO LA KUMUUNGA MKONO RAIS MAGUFULI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

        Na    Walter   Mguluchuma .

               Katavi.

  Baraza  la  Wazee   la   Chama  cha   Mapinduzi   CCM  Mkoa  wa   Katavi   limetowa  tamko la kumuunga  mkono   Rais   John  Magufuli  katika  jitihada  zake za  kupambana  na  watu wanao  hujumu   rasilimali za   Nchi  na   wamelaani  vikali   mauwaji yaliotokea  Kibiti na   Mkulanga .

   Tamko la   Baraza  la  Wazee  hao  lilitolewa  hapo  jana  mbele ya  Mkuu wa    Mkoa  wa   Katavi   Meja   Generali   Mstaafu  Raphael   Muhuga  katika  kikao  cha    Baraza   la   Wazee wa  CCM  wa   Mkoa wa   Katavi  kilichofanyika    katika  ukumbi  wa   Maji   mjini  hapa .

   Akisoma     tamko  hilo  Mwenyekiti wa   Baraza  la   Wazee wa  CCM  wa   Mkoa wa   Katavi   Thomas    Ngozi  alisema   wao  kama  wazee wanamuunga  mkono  Rais  Magufuli  katika  jitihada  kubwa   anazofanya  za  kupambana na  watu  wanao  hujumu    raslimali za    Nchi .

 Alisema wamekaa  na  kuona   Nchi   inavyo kwenda   hivyo  wameona  wamtie   moyo    Rais   kutokana  na  kazi  ngumu  inayoifanya  ya kuiongoza   Nchi ya  Tanzania   na  wanampongeza  kwa  kazi kubwa   anayoifanya .

Mwenyekiti  huyo   alieleza  kuwa  wanatambua   upendo  mkubwa   alionao    Rais  kwa    Watanzania  na   hasa  kwa  kuwajari  sana  watu  waliomaskini    pasipo  kuwabagua   kutokana  na   umaskini  walio  nao  watu .

  Alisema   wapo  baadhi ya   Watanzania  wachache.  Ambao   wanamacho   lakini    wamekuwa  wakijifanya  kuwa    wao   hawaoni. Na  wamekuwa  wakitaka  kukwamisha  jitihada  zinazofanywa na   Serikali ya  awamu ya  tano .

Alieleza  kuwa  kama  ni  wizi  umevuka  mipaka  na   Serikali  imekuwa  ikiibiwa kwa  kipindi  kirefu   hivyo  Rais    ameamua   kupambana   na      wizi huo  hivyo  ni   vema  jitihada   hizo   anazozifanya  zikaungwa mkono na  watu  wote  bila kujali   itikadi za   vyama.

Mkuu  wa  Mkoa  wa   Katavi     Meja    Generali   Mstaafu    Raphael   Muhuga   alisema   Serikali ya   Mkoa  wa   Katavi    inaunga  mkono  jitihida    kubwa   ya   Rai katika  kumbana  na  vita ya  watu  wanao  hujumu  uchumi wa  Nchi .

  Alisema    vita  hii   inahitaji  Rais   aungwe  mkono   kwani  sio   watu   wote   ambao  wanaohifurahia   licha   kwa  kipindi  hiki  kifupi      mabadiliko   yameonekana .

Mkuu   huyo wa   Mkoa    aliwaahidi  wazee  hao kuwa  salamu  zao  hizo     atazifikisha kwa   Rais    haraka   iwezekanavyo