SERIKALI YA MKOA WA KATAVI YATOA ONYO KWA WANAOTAKA KUVURUGA USHIRIKA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na   Walter     Mguluchuma .

         Katavi .

  Serikali  Mkoani  Katavi  imetowa   onyo     kuwa   haitamfumbia  macho  mtu  yeyote   atakae onyesha  nia ya kuhujumu   vyama vya  Ushirika  kwani  lengo la   Serikali ya  Mkoa   ni   kuendelea kusimamia  ushirika   imara  na  wenye  nguvu  ya kiuchumi  kwa kuwahudumia  wanachama  wake  kikamilifu /

Onyo  hilo  lilitolewa   hapo   jana  na    Mkuu wa  Mkoa wa  Katavi   Meja   Generali  Mstaafu  Raphael   Muhuga   kwenye  hotuba  yake  wakati wa uzinduzi  wa jukwaa la Ushirika   Mkoa wa   Katavi  iliyosomwa  kwa   niaba yake na  Katibu  Tawala wa  Mkoa wa   Katavi  Kamishina wa   Polisi   Paulo   Chagonja  uliofanyika  katika  ukumbi wa  Idara ya  Maji   Mjini  hapa .

 Alisema  Serikali   Mkoani  Katavi    itaendelea  kusimamia  ushirika  na   haitamfumbia   macho   mtu yeyote    atakae onyesha  nia  ya  kuhujumu   vyama  vya  Ushirika .

  Lengo   la Mkoa  wa  Katavi  ni kuendelea  kuwa    kinara  kwa kuwa na  ushirika  imara   na  wenye   nguvu  kiuchumi  kwa kuwahudumia wanachama  wake  kikamilifu .

  Alisema  kumekuwa  na  malalamko  kwa  baadhi ya  vyama  vya ushirika   yanayosababishwa  na udhaifu   katika  uendeshwaji  wa  vyama  vya ushirika   na  udhaifu    huo  umetokana  na usimamizi   hafifu, kukosekana  kwa uaminifu  kwa  baadhi ya  viongozi  na  kukosekana  kwa uwazi  wa utoaji wa taarifa  kwa wakati .

  Alitowa   rai   kwa  viongozi  wa  ushirika wa   Mkoa huu kufanya  kazi  kwa bidii,waledi   uaminifu  na uadilifu   katika  utendaji    kazi  ili    mapungufu   hayo  yalioonekana   yasitokee   tena .

Mkuu  huyo wa  Mkoa   alisema   kilimo  cha   Tumbaku   kimeanza   kuwa  na   changamoto   mbalimbali  ikiwa  ni  pamoja   na kupungua  kwa  soko   au    mahitaji  kutoka kwa   makampuni  ya ununuzi  na  chamgamoto ya utunzaji wa  mazingira  kwa kupanda miti   ambapo  Serikali   imeelekeza  kuwa kila   mkulima   apande  miti 150  katika  shamba   lake   binafsi ,kutunza   miti ya  asili     NIGITRI 200.

Naibu      Mrajis vyama vya  ushirika  Tanzania   Charles  Malunde   alieleza kuwa   vyama  vya  ushirika   vinaweza  kufa au kupolomoka     endapo  viongozi wanao ongoza ushirika huo  kuwa ni wabovu .

  Naibu   Mrajis   aliwaeleza wajumbe wa   mkutano huo  wa jukwaa  la ushirika  kuwa   kila  mkoa   unachangamoto  za  ushirika  wapo  baadhi ya watu  wakimbiwa ushirika wanajua  umeisha kufa  na   wengine wanajua kuwa Sacos  sio ushirika.

Nae   Mrajis    Msaidizi  wa     Vyama  vya  ushirika  wa   Mkoa wa   Katavi    Luhigiza    Sesemkwa   alisema kuwa  kumekuwa na  tabia  ya  baadhi ya viongozi  wa kisiasa  kuingilia    shughuli  za  vyama  vya ushirika  na kufanya  maamuzi  bila kuzingatia    sheria  na   taratibu  za ushirika .

 Alifafanua   mwamko   mdogo  kwa   wananchi  katika  kujiunga  na ushirika  ikizingatia   idadi ya  wakazi wa   Mkoa wa  Katavi  ni  671,194  ambapo   wanachama  wa ushirika  ndani ya  Mkoa   ni 16,000 tuu  ambayo  ni sawa  na  asilimia 2.8 ya wananchi  wote wa    Mkoa  wa    Katavi  kwa  mujibu wa   sense  ya mwaka 2012.

Mwenyekiti wa   chama  cha   Msingi    Nsimbo   Maganga    Kasea     alizilalamikia     Halmashauri kwa  kushindwa  kutengeneza  miundo mbinu ya    barabara kwenye   maeneo yanayo  zalisha     Zao la    Tumbaku  licha ya  kuwa wanapata   fedha   nyingi zitokanazo  na  ushuru wa   Tumbaku    ambapo   asilimia   5  ya   thamani  ya   fedha za   mauzo ya tumbaku   huenda  kwenye   Halmashauri husika .

  Katika    uzinduzi wa   jukwaa la     ushirika    Mkoani    katavi    wajumbe wa   mkutano huo   walimchagua    Moses   Kabeja  kuwa    Mwenyekiti  wa   jukwaa  laa  ushirika  la   Mkoa wa  Katavi  baada ya kuwashinda  wagombea  watano wa   nafasi  hiyo na    Makamu   Mwenyekiti   alichaguliwa  Suzana   Kasera  aliyewashinda  wagombea    wanne wa  nafasi   hiyo .

MWISHO