RPC AMTEUA OCD MSTAAFU KUWA MSHAURI WA ULINZI KWENYE MTAA.

         Na   Walter  Mguluchuma .

                Katavi

Kamanda wa  Polisi wa   Mkoa wa   Katavi  Damas  Nyanda   ametangaza kuwa   amemteua    Aliyekuwa  mkuu wa  polisi  mstaafu wa   Wilaya ya  Mpanda   OCD        Zeno  Malesa kuwa   mshauri wa maswala ya   ulinzi na usalama wa    Mtaa    wa   Kasimba  katika   Manispaa ya   Mpanda  kutokana na juhudi zake  alizozifanya za kupunguza  uharifu na  matukio ya kujamiana   kabla ya kustaafu kwake kazi katika  jeshi la polisi .

Uamuzi  huo wa kumteua  Malesa kuwa   mshauri wa  jeshi la   polisi  katika  maswala ya ulinzi na  usalama    katika   mtaa huo  uliotolewa  hapo  jana  na   Kamanda wa  Polisi wa  Mkoa wa   Katavi   wakati wa   sherehe za  kumuaga OCD  huyo  mstaafu  zilizofanyika   katika   ukumbi wa   Neema uliko  katika   Mtaa wa  Kawajense  Manispaa ya  Mpanda .

  Alisema    OCD   huyo  mstaafu   amelitumikia   jeshi la  polisi kwa  uaminifu  mkubwa   kuanzia  mwaka   1973 alipojiunga  na  jeshi  hilo  hadi   Julai    1  mwaka huu  ambapo    ameweza  kufanya  kazi ya  polisi kwa  kipindi  cha   miaka  44 kwa uadilifu mkubwa .

 Alifafanua  kuwa  kwa  kipindi   alichoongoza    Wilaya ya    Mpanda    amefanya  kazi  nyingi  mbalimbali za  kupambana  na  uharifu na    ameweza kupunguza  matukio ya ualifu   kwa kiasi kikubwa  sana .

Pia   ameweza    kupunguza  matukio ya   kujamiana   kutoka  matukio  kumi  kwa  kipindi cha  mwaka  jana  hadi  kufikia  matukio  matatu kwa  kipindi cha  mwaka huu   wa   2017.

Nyanda   alieleza   kuwa  kutokana  na  mchango wake huu   mkubwa   katika  jeshi la  polisi   ndio  maana   ameamua kumteuwa  kuwa  mshauri wa  maswala  ya  ulinzi na   usalama  katika   mtaa        anao ishi wa    Kasimba  iliaendelee kutowa  mchango wake kwa  jeshi la  polis i

Nae  Katibu  Tawala wa   Mkoa  wa  Katavi  Kamishina wa  Polisi  Paulo  Chagonja  alisema  kuwa   jeshi la  polisi   linajivunia  mafanikio ya  OCD  huyo  mstaafu  na atakuwa  ni  daraja  kati ya  polisi na  Raia na   Balozi .

 Alisema ukiona   mtumishi wa  jeshi la  polisi  ameweza kufanya kazi na kufikia   ngazi  aliyokuwa  nayo  Malesa ujuwe kuwa   mtu  huyo  alikuwa ni  mwadilifu  na  ndio  maana  jeshi la  polisi  lilimwamini .

Mwenyekiti wa  Kamati ya   Ulinzi na   usalama wa   Wilaya ya  Mpanda   ambae  pia  ni   Mkuu  wa   Wilaya ya   Mpanda   Lilian   Matinga   alisema kuwa   hari ya    matukio ya  uharifu kwa    wilaya ya   Mpanda    yamepungua kwa kiasi  kikubwa  kutokana na  ushirikiano  ulipo  baina ya  polisi na   wananchi  hivyo    alimtaka   ocd     alihamishiwa  kwenye  Wilaya  hiyo kuendeleza ushirikiano  na  mahusiano na  wananchi  kama yalikuwepo .