MBUNGE WA VITI MAALUMU ATOA TSHS MILIONI 5 KWA AJIRI YA KUSAIDIA SACOS YA WANAWAKE.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

 Na   Walter  Mguluchuma, Katavi.

           

Mbunge  wa   viti   Maalumu wa  Mkoa wa   Katavi  Anna   Lupembe  CCM   ametoa  msaada  wa  hundi ya   Tshs  milioni   5   kwa   ajiri ya     LETIC  SACCOS   ya   wanawake      ili   kuiongezea  nguvu   Saccos  hiyo   ili   wanachama  wake  waweze  kujikomboa  kiuchumi

Msaada  huo wa  hundi  ulikabidhiwa  hapo  jana  kwa   Saccos  hiyo  na   Katibu  wa   CCM  wa   Mkoa  wa   Katavi   Kajoro   Vyahoroka  kwa     niaba  ya     Mbunge wa  viti  maalumu na makabidhiano  hayo  yalifanyika   katika   viwanja   vya  CCM  Mkoa  wa Katavi .

Kajoro  aliwaeleza  akina  mama  hao   kuwa  fedha  hizo  wanaweza  kuziona  kuwa  ni  ndogo   lakini   endapo  fedha  hizo  wakizitumia  vizuri   zitaweza  kuwasaidia  na  kuweza  kuongeza  kipato  chao .

Aliwasisitiza kuwa  fedha  wanazokuwa wamekopeshwa  ni   vizuri   zikarejeshwa  kwenye  Saccos  yao  ili  na  watu  wengine   nao  waweze  kukopeshwa  na  kunufaika  na   fedha  hizo .

  Aliwataka   viongozi wa SACCOS  hiyo  kujenga  tabia  ya kuwatembelea   wanachama  wao   ili  kuweza  kujua   changamoto   wanazokabiliana  nazo  kwenye  biashara  zao na  kuweza  kuwapa  ushauri .

Katibu  wa  SACCOS  hiyo   Mawazo    Manso  alieleza  kuwa    Saccos   hiyo      inadhaminiwa  na   Mbunge  wa  viti  Maalumu  Anna   Lupembe  ambae    baada  ya  kuona   Saccos   hiyo  inaanza  kulega  lega   ameamua   kuiongezea  kiasi   hicho  cha  fedha  shilingi  milioni  tano .

Alisema  mpaka  sasa  wapo  jumla   ya  wanachama   75     ambapo    hapo   awali  walikuwa  60  na   wanachama  15  wamejiunga  mwezi  huu  na   mpaka  sasa    Mbunge  huyo   ameisha  towa   kiasi   cha    shilingi   Milioni 45  kwani hapo   awali    alikuwa   ameipatia   Saccos  hiyo  kiasi  cha   shilingi  milioni  40.

Alifafanua  kabla  ya  kupewa  fedha  hizo   akinamama   hao  wanaunda   Saccos  hiyo   waliandaliwa   mafunzo  na  Mbunge  huyo ya   ujasiliamali  yaliofanyika  kwa   muda wa  siku   sita na  walifundishwa  na   mkufunzi  kutoka   Dares  salaam.

Mwenyekiti wa  Saccos    Maria  Futakaba   alisema   wanaotunza   familia  ni   akina   mama   hivyo   endapo   fedha  wanazopewa  watazitumia  vizuri   zitasaidia  kwenye   familia  zao  kwa  kuweza  kusomesha  watoto  na  pia  kuwa  na  familia  yenye   afya  nzuri .

 Aliwataka   wanachama  kurejesha  fedha  wanazo  patiwa   kwani  wanao   vunja   chama  ni  wanachama   wenyewe    na  wala  si  mtu  mwingine .