KUMWEKA MTOTO KINYUMBA KWAMFUNGA MIAKA 30

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Imeandikwa na Pety Siyame, Mlele

MAHAKAMA ya Wilaya ya Mlele mkoani Katavi imemhukumu mkazi wa kijiji cha Usevya, Mwasha Shija (18) kutumikia kifungo cha miaka 30 jela kwa kosa la kumbaka kwa siku nne mfululizo na kumweka kinyumba, msichana mwenye umri wa miaka 14.

Mshtakiwa huyo alihukumiwa kutumikia kifungo hicho na Hakimu wa Mahakama hiyo, Teotimus Sawi baada ya kukiri kosa hilo. Hakimu Sawi alisema Mahakama imelazimika kumpa adhabu kali licha ya kutoisumbua kwa kukiri kwake kosa, ili iwe fundisho kwa wengine wenye tabia hiyo.

Hakimu Swai alisema licha ya kukiri kosa mahakamani hapo, mshtakiwa alikuwa ametenda kosa kinyume na Kifungu 130 (1) (2) (e) na 131 (1),Sura ya 16 ya Kanuni ya Adhabu. Awali, Mwendesha Mashtaka, Mkaguzi wa Polisi, Bakari Hongoli alidai mahakamani hapo kuwa mshtakiwa huyo alitenda kosa hilo Juni 26, mwaka huu, saa saba mchana katika Kijiji cha Usevya kilichopo katika Kata ya Kibaoni wilayani Mpanda

CHANZO HABARI LEO