MKOA WA KATAVI UNAJUMLA YA WAGANGA WA TIBA ZA ASILI ZAIDI YA 300 WANAOTAMBULIWA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter  Mguluchuma .

         Katavi.

  Mkoa wa  Katavi  katika  kuhakikisha  Waganga   wote wa  Tiba  asili na Tiba   mbadala  wanaofanyakazi  kwa kufuata  kanuni za  Serikali  imeisha  watambua zaidi ya Waganga wa Tiba  asili  zaidi ya 300  huku kati yao zaidi ya 160 wakiwa wamesajiwa .

Hayo yalisemwa  hapo jana  na  Mganga  Mkuu wa  Mkoa wa  Katavi  Dr   Yahaya  Hussein wakati wa  mafunzo ya  siku  moja ya  Waganga wa Tiba   asili na  Tiba   mbadala wa  Manispaa ya  Mpanda yaliofanyika   katika  ukumbi wa  Manispaa ya  Mpanda      katika   Mtaa wa  Ilembo   Mkoani  hapa .

Dr   Yahaya  alisema   Mkoa  wa  Katavi  kwa kipindi cha   mwaka 2012  hadi  2017 umekuwa ukitekeleza  zoezi  la usajiri   wa  Waganga  wa  Tiba   asili  na  Tiba  mbadala  kwa kupitia  ngazi  ya Wilaya   kwa kushirikiana  na uongozi  wa  Waganga  wa  Tiba   asili .

Lengo   ikiwa  ni  kuhakikisha  Waganga wote   wanaotowa  huduma   hizi   wanafanya  kazi  kwa kufuata  kanuni  na  taratibu za  Serikali  na sio kinyume na  matakwa ya  Serikali .

Kwa  Mkoa wa  Katavi hadi   hivi  sasa  kuna  vituo  vitatu  ambavyo  vinatowa  huduma  ya  tiba    mbadala  ambavyo  alivitaja kuwa ni   Sigwa herbalist,Huruma  herbalist  na   Sanitarium herbalist.

Dr   Yahaya  alifafanua   kuwa   Mkoa wa  Katavi  unajumla ya  waganga wa  Tiba  asili na  Tiba   mbadala  316 na    hadi sasa  Mkoa  umefanikisha usajiri   wa  Waganga   wa  Tiba  Asili  na  Tiba   mbadala  165 na  bado  uhamasishaji  unaendelea  kwa  kushirikiana  na  waratibu wa  Wilaya .

Nae  Mkurugenzi   msaidizi   kutoka   Wizara ya  Afya   Dr  Paul  Mhume alisema  wamepanga  kutowa mafunzo  hayo kwa   waganga w  Tiba  asili  na  Tiba   mbadala  katika    Halmashauri zote za  Mkoa wa  Katavi .

Lengo la  mafunzo  hayo  ni  kuwahamasisha  Waganga wa Tiba asili na Tiba mbadala ili  wazingatie    maelekezo  ya   Serikali  ya kufanya kazi   baada ya  kuwa   wamesajiliwa    kwanza .

Msajiri  wa   Baraza  la  Tiba   asili   na  Tiba   mbadala   Dr    Ruth  Suza    alisema   huduma za   tiba  asili  zinatambuliwa rasmi kwa  mujibu  wa sera  ya  afya  na   sheria ya  tiba  asili  na tiba  mbadala   Namba  23 ya mwaka 2002 na  madhumuni ya  sheria  hiyo ni  kusimamia , kudhibiti  na kuendeleza   tiba  asili ya  Tanzania .

 Alisema  Baraza la  Waganga   wa Tiba   asili  na Tiba  mbadala  limeundwa  kama chombo  kikuu cha Serikali  kinasimamia  na kuratibu   shughuli hizo .

Katbu  Tawala wa  Mkoa wa  Katavi  Kamishina wa  Poisi  Paulo  Chagonja  aliwataka waganga hao  wazingatie  sheria     na kanuni   zinazohusu  huduma za tiba  asili  na pia waache kujihusisha na  ramli chonganishi .

 Alisisitiza kuwa  kila mtoa huduma  wa tiba   za asili  awe na utaratibu  wa  kuwarufaa  wagonjwa  katika  vituo  vya tiba  za kisasa  kwa lengo  la  kupunguza  vifo  hususan akina mama wajawazito na watoto .