WIZARA YA MALIASILI NA UTALII YAWATA WATUMISHI WAKE KUTOTUMIA DAWA ZA KULEVYA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

   Na  Walter  Mguluchuma .

    Katavi .

Wizara ya  Maliasili na  utalii   imepiga  marufuku kwa   watumishi  wote  waliochini ya  Wizara  hiyo kutojihusisha na  utumiaji wa   dawa za kulevya wala kufanya biashara  hiyo  kwani ni    kufanya  hivyo ni kuitia  aibu  Wizara  hiyo na  Serikali.

Agizo  hilo  lilitolewa  hapo  jana  na  Katibu  Mkuu wa  Wizara ya  Maliasili  na  Utalii  Meja  Jenerali   Gaudence  Milanzi   wakati  alipokuwa  akifunga   mafunzo  ya  Wahifadhi  98  wa  wanyama  pori    TAWA   na  TANAPA    mmoja  yalifanyika  katika  kituo cha  mafunzo  cha  Mlele   Mkoani   Katavi .

Alisema  ni  marufuku  kwa   mtumishi yoyote   aliyechini ya  Wizara  hiyo   kujihusisha  na   utumiaji wa  madawa ya kulevya    au  kufanya   biashara  hiyo  kwani    ni   aibu kwa  Wizara  na  Serikali    na  endapo   mtumishi    atakae  bainika  atachukuliwa  hatua  kali .

Meja   Jenerali   Milanzi     alieleza   Askari  wa  Hifadhi wa   wanyama   pori  wanapokuwa  wanafanya kazi  zao  maporini  pindi  wanapo  ona   mashamba ya   bhangi  wasijiingize  kuvuta  na   badala  yake  wawe wanatowa   taarifa  kwa  mamlaka  husika .

  Alifafanua  kuwa  kwa  sasa  hari ya  ujangili   imepungua   hapa    nchini   hata  hivyo  juhudi za  kupambana  na  ujangili   bado   zinaendelea  kwani  hakuna  sababu za kuridhika  kwani   ujangili   bado  upo .

Alisema   Wizara  yake  inaendelea  kuweka  mipaka   kwenye   Hifadhi  zote  ili  kuondoa  migogoro  ya  mipaka  na   wananchi   ambao  wamekuwa  wakivamia   maeneo ya   Hifadhi  kwa kisingizio  cha  kutojua  mipaka .

Aliwataka  Askari wa  Hifadhi  za  Wanyama  pori  kutotumia  nguvu   kubwa   mahari  ambapo   apasitahili  wala kuuwa   watu kwani  Serikali  haipendi kuona  watu  wake  wanakufa .

Kaimu   Mkurugenzi Mkuu  wa  Mam

laka  ya usimamizi   Wanyama  pori  Tanzania   TAWA     Martin Loibooki   alisema   TAWA  imeanza  kuwaandaa  watumishi  wake   kujiandaa kuingia kwenye  mfumo wa  Jeshi  Usu  ili  kuboresha ulinzi  wa   rasilimali  za  maliasili kwa  ujumla .

Alisema  imefikia  wakati  wa kulazimika  kutoka  kwenye  mfumo wa kiraia  na kuingia  kwenye  mfumo wa  jeshi  usu  kutokana  na  changamoto  zilizopo   zilizopo kwa  sasa  kwani  majangili   hawana  lebo usoni .

Nae  Kaimu   Mkurugenzi  Mkuu wa   TANAPA  Mtango   Mtahiko   aliwataka  wahitimu wa  mafunzo  hayo  wayatumie  mafunzo  hayo waliopata kwa  vitendo

MWISHO