MADIWANI WA MANISPAA YA MPANDA WACHANGIA POSHO YAO YA TSH 50,000 KUPONGEZA WALIMU.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

   Na   Walter    Mguluchuma .

            Katavi .

Madiwani wa   Baraza  la   Madiwani wa  Manispaa ya   Mpanda   Mkoani   Katavi  wamekubaliana      kuchangia  kiasi cha   Tshs  50,000 za   posho  yao ya  mwezi   zikatwe   na  zitumike kwa  ajiri ya kuwapongeza  walimu wa  shule za  Msingi  kwa kuwa  Manispaa  hiyo  imekuwa ya kwanza  Kitaifa  kwa ufaulu wa  wanafunzi wa  darasa  la  saba   kwa  kipindi cha   miaka  mitatu   mfululizo .

Uamuzi wa   madiwani hao   kutowa       kiasi  hicho  cha  fedha  zinazotokana  na  posho  yao mwezi walipitisha  juzi  kwene kikao  cha   Baraza  la  madiwani la   Manispaa   hiyo  kilichofanyika   katika  ukumbi wa   Manispaa hiyo .

Awali  kabla ya    kupitisha  uamuzi  huo    Meya  wa  Manispaa    Wily    Mbogo   aliambia   Baraza  hilo  kuwa     walimu  wa  shule  za  Msingi wa  Manispaa  hiyo  wamefanya  kazi  kbwa  na  kuujengea   heshima   Mkoa  wa  Katavi   kwa  kuweza  kuongoza  Kitaifa kwa  ufaulu wa    wanafunzi  wa  darasa  la  saba  kwa    mara ya  tatu  mfululizo  katika  Manispaa  za  hapa   Nchini .

Mbogo  alisema    swala  la  kuwapongeza  walimu  kwa  kazi yao  nzuri  wanayoifanya lisiwe    la  Manispaa     peke  yake    bali   liwe    ni  la  Mkoa   mzima  kwani  walimu  hao  ndio  wamechangia  Mkoa  wa   Katavi  kuwa  ni   Mkoa  wa  pili  kwa  ufaulu  wa   wanafunzi  waliomaliza  darasa  la  saba  mwaka  jana .

Diwani wa  Kata  ya  Makanyagio   Haidari  Sumry  kwa  upande  wake     alieleza   kuwa  wao  kama  madiwani wa  Manispaa  hiyo  wameridhia  kuchangia  kiasi  hicho  cha  fedha  kwa   ajiri ya  kutambua  mchango wa  walimu .

Alisema  ni  jambo  la  kujivunia   kwa  Manispaa  hiyo  kwani    miaka  ya  nyuma  watu  walizowea  kuona   wanaongoza  kwa   ufaulu  ni  shule  za  kutoka   mikoa  ya   kaskazini  lakini    mambo  yamebadilika  na  wao   wanaisoma   namba  kwa    Mkoa  wa   Katavi

Diwani wa   Kata  ya   Kawajense   Pius  Buzumale  yeye   aliwataka  walimu  kutoridhika  na  matokeo  hayo  na   badala  yake  waongeze  bidii  katika  kufundisha  wanafunzi .

MWISHO