JUMLA YA KESI 60 ZA TUHUMA ZA MAUAJI ZIMESHINDWA KUSIKILIZWA MKOANI KATAVI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

   

 Na  Walter  Mguluchuma .

          Katavi

  Jumla ya  kesi 60  za  tuhuma  za  mauwaji  zimeshindwa kuanza kusiklizwa  Mkoani  Katavi na  Mahakama kuu    ya  Sumbawanga  kwa  kipindi  cha  miaka  miwili  sasa  kutokana  na   Mahakama  kukosa  fedha  za  kuendeshea  kesi  hizo .

  Hayo  yalisemwa  hapo  jana  na   kaimu   Hakimu  Mkazi   Mfawidhi  wa    Mahakama ya   Mkoa wa   Katavi  Chiganga   Ntengwa  wakati wa  maadhimisho ya   siku ya   sheria     nchini  yaliofanyika  katika   viwanja  vya  Mahakama ya  Wilaya  ya  Mpanda

Alieleza  kuwa   zipo  kesi   60 za  mauwaji  ambazo  zimeshindwa   kusikilizwa  na  Mahakama kuu ya   Sumbawanga   kwa  kipindi cha  miaka  miwili  sasa  kutokana  na  ukosefu wa   fedha  ambapo  kesi  hizo  huzikiliziwa   Wilayani    Mpanda .

  Chiganga  alieleza   kuwa     hari  hiyo ya  ukosefu wa  fedha  umesababisha  Mahakama  kushindwa  kutowa  haki  kwa  wakati  kama  ambavyo  kauli  mbiu  ya  mwaka  huu  inavyoeleza  kuwa   haki  itolewe kwa  wakati    ili  kuwezesha  ukuaji wa  uchumi .

Nae  wakili    wa   ofisi  ya  mwanasheria  wa  Serikali  wa  Mkoa  wa  Katavi   Atlles   Mlisa  alieleza  kuwa   ucheleweshaji  wa  haki kwa   wakati   katika  Mahakama   umekuwa  ni  changamoto   ya ukiaji wa kiuchumi  kutokana  na watu  kutumia  muda  wao  mwingi   kufatilia  kesi   badala ya  kufanya kazi .

  Alieleza  kuwa   Mahakama  mbalimbali  zimekuwa      zikishindwa  kumaliza   kesi  kwa  wakati  kutokana  na  changamoto  mbalimbali    zinazozikabili   mahakama hapa  nchini .

Alizitaja   baadhi ya    changamoto  hizo  kuwa  ni   rasilimali  watu  ambapo  baadhi ya  mahakama  kuna  tatizo  la  upungufu wa  watumishi ,fedha   pamoja  na    vitabu  vya   sheria .

Kwa  upande   wake   mgeni   rasmi  wa  maadhimisho  hayo   Mkuu  wa  Mkoa  wa  Katavi   Meja  generali    mstaafu  Raphael  Muhuga  alizitaka   Mahakama  kutenda   kazi   muda  wote  kwa  kutenda  haki  kwa  wote  bila  kujali   hali ya   mtu ,jamii  au  uchumi .

  Pia  kutochelewesha   haki   bila  sababu ya  msingi ,kutoa  fidia   ipasavyo  kwa  watu  wanaoathirika  kutokana   na makosa  mengine   na  kwa  mujibu  wa  sheria   mahususi   iliyotungwa  na  Bunge .

Mkuu  huyo wa  Mkoa     aliwapongeza   Mahakimu  wakazi   wawili  wa  Wilaya ya    Mpanda  kwa  kutekekeza  kwa  ufanisi   mpango   wa  kumaliza   mashauri  27 yaliokuwa  yamekaa  kwa  muda  mrefu  kwa  zaidi ya  miaka  miwili ,katika   kipindi   kifupi  cha   miezi  miwili tuu  hivyo  kuwafanya  wahusika  wa  kesi  hizo   kuendelea    na   shughuli  za   ukuaji  wa  uchumi .

MWISHO