DFDA TATOWA MAFUNZO YA UCHAKATAJI WA VYAKULA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter   Mguluchuma .

          Katavi .

Mamlaka  ya   chakula  na  Dawa   TFDA  Kanda  ya   Magharibi   imetowa   mafunzo   kwa  wajasiriamali   wanaojihusisha   na   uchakataji  wa  vyakula   na   bidhaa  nyongeza    yenye lengo la  kuwaongezea  uwezo wa kuzalisha   bidhaa  zenye  ubora na  zinazokubalika  katika  masoko ya  ndani na  nje .

  Mafunzo  hayo ya  siku  moja  yallyowashirikisha  wajasiriamali  wadogo  wa  kutoka  katika  Halmashauri  zote  za  Mkoa  wa  Katavi  yalianyika  jana  katika   ukumbi wa  chuo  Kikuu  Huria cha  Mkoa  wa  Katavi  na    kufunguliwa na   Katibu   Tawala  wa  Mkoa  wa   Katavi  Kamishina  wa  Polisi    Paulo   Chagonja.

  Kaimu   Meneja  wa   TFDA    wa  Kanda  ya   Magharibi     Dkt   Edga   Mahundi   alieleza  kuwa   kumekuw   na  malalamiko   mengi   kutoka  kwa   wajasiriamali   wadogo   na wakati   kuwa  wanashindwa   kuingia   katika  soko  la    kitaifa  na  la  Kimataifa  la  ushindani wa  bidhaa .

Malalamiko   hayo  wamefanyiwa kazi   na  mamlaka   ya chakula  na  dawa  na  ndio  sasa   imeamua   kufanya  mafunzo   haya  ya  wajasiriamali   ili  waweze  kupata  elimu  ya  msingi  ya  uzalishaji   wa  bidhaa   bora   zitakazo  weza  kukidhi   matakwa   ya  soko  na   hivyo  kuongeza  ushindani .

Dkt  Mahundi  alieleza   kwa  kufanya  hivyo   TFDA    itashiriki  kikamilifu   katika  kuunga   mkono    juhudi  za  Serikali ya   awamu ya   tano   ya  kuifanya  nchi   yetu  iwe  ya     uchumi  wa  kati  wa   viwanda   na  ndio  maana  mafunzo hayo  yamefanyika  kwa  ushirikiano    kati ya  TFDA na   Shirika  la  kuhudumia   viwanda  vidogo   SIDO

Alifafanua kuwa  jukumu   la  TFDA    ni kulinda    afya   ya  jamii   kwa   kudhibithi   ubora     , usalama  na  ufanisi wa  chakula   na  dawa   TFDA    imekuwa   ikisajiri   majengo   ya    uzalishaji  wa  bidhaa   pamoja   na  usajiri  wa  bidhaa   zinazozalishwa   katika  majengo   hayo    baada ya kujiridhisha   zinakidhi    vigezo   vilivyowekwa   kwa  lengo la  kumlinda    mlaji .

Kwa  upande  wake   Katibu  Tawala  wa  Mkoa  wa   Katavi  Paulo  Chagonja  aliwaeleza  washiriki wa mafunzo  hayo   kuwa   yatawaongezea   tija   wajasiriamali  wadogo  na  kuwafanya  waende  kwenye  ujasiriamali wa kati na  baadaye  wawe  wajasiriamali wakubwa .

  Alisema   Mkoa  wa  Katavi  ni  miongoni  mwa  Mkoa  unaozalisha     asali  na  karanga  kwa  wingi   lakini    unakabiliwa na  changamoto  ya  masoko ya    ndani  na  nje .

Alltaja  baadhi ya  sababu   zinazochangia   mazao  hayo  kukosa      soko  la  ndani   na  nje  ni   kutokana  na  mazao  hayo  kuwauzwa  yakiwa  na  viwango vidogo  kutokana  na kutoongezewa   viwango .

Alisema  hari  hiyo imekuwa  ikisababisha  wafanya  biashara  wanao   kuja       kutoka   nchi ya  jirani na  wakisha  nunua  bidhaa hizo  na  kuziboresha  zinaonekana  zietoka  nchini  kwao  badala ya  Mkoani   Katavi .

Mwenyekiti  wa  wajasiriamali  wadogo wa  manispaa  ya  Mpanda   Veronica  Ntabagi  alieleza       mafunzoo hayo  yatawawezesha  kuwasaidia   kupata  bidhaa   zenye  ubora   na  kukidhi   viwango .

MWISHO