HALMASHAURI YA WILAYA YA MPANDA KUKAMILISHA UJENZI WA MAABARA MWEZI OKTOBA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Na  Walter Mguluchuma

Mpanda Katavi

Halmashauri ya Wilaya ya Mpanda katika Mkoa wa wa Katavi inatarajiwa kukamilisha ujenzi wa  majengo yote ya maabara  za  shule  zote za  Sekondari zilizopo katika Halmashauri hiyo

Hayao yalielezwa na Mwenyekiti wa Halmashauri ya Wilaya ya Mpanda Yassin  Kibiriti wakati alipokuwa akifungua  kikao cha kwanza  cha  cha Baraza  la  Madiwani  wa Halmashauri ya  wilaya  ya Mpanda cha  mwaka wafedha wa2014 na 2015  kilichofanyika jana kwenye ukumbi wa Idara ya Maji

Kiberiti  alilieleza Baraza hilo la  Madiwani kuwa  hari ya ujenzi wa maabara katika shule za Sekondari  zilizopo kwenye Halmashauri hiyo ni yakulidhisha sana

Alisema  yapo  majengo ya maabara  kwenye shule za Sekondaro tayari yameisha kamilika na mengine ambayo bado yako kwenye hatua za kumalizia

  Alifafanua hadi kufikia Oktoba 15 mwaka huu  ujenzi wa majengo yote ya  maabara kwenye shule  zote za Sekondari zilizopo katika Halmashauri ya Wilaya ya Mpanda yatakuwa tayari yamekamilika

 Alisema tatizo la kujenga majengo ya maabara kwenye shule za Sekondari kwenye Halmashauri hiyo  halikuwa kubwa kama ambavyo ilivyo kwenye Halmashauri  nyingine za hapa Nchini

 Alieleza  Halmashauri hiyo imefanikiwa kukamilisha ujenzi wa majengo hayo kutokana na ushirikiano  wa  wananchi na  wataalamu wa Halmashauri hiyo

Mwisho