NYUMBA 36 ZABOMOLEWA, WANANCHI WAANGUA VILIO‏

Na Walter Mguluchuma

Mpanda, Katavi




Baadhi ya wakazi wa mitaa ya Misunkumilo na Mpanda Hotel katika mji wa

Mpanda mkoa wa Katavi juzi waliangua vilio baada ya TANRODS mkoa wa

Katavi kubomoa nyumba zao zaidi ya 30 kwa ajili ya kupitisha upanuzi

wa barabara ya Mpanda – Kigoma ambayo inajengwa kwa kiwango cha rami.




Tukio hili lilitokea kwenye mitaa hiyo hapo juzi majira ya saa 4:30

asubuhi baada ya muda walio kuwa wamepewa wananchi hao kubomoa kwa

hiari kuwa umeishapita toka mwezi uliopita.




Bomoabpmoa hiyo ya nyumba 36 ilifanyika huku kukiwa na ulinzi mkali wa

askari polisi waliokuwa wameshikilia silaha kwa kile walichohofia

kuwepo kwa vurugu kutoka kwa wananchi hao ambao muda wote wakati wa

bomoabomoa walikuwa wakiangua vilio wao na familia zao.




Mmoja wa waathirika hao John Mwakapimba alisema kuwa kilicho watia

uchungu zaidi ni kitendo cha nyumba zao kubomolewa bila wao kulipwa

fidia yoyote kwa kile walichodaiwa kuwa wao ndio waliovamia barabara




Alisema ni vema basi kabla ya kubomoa nyumba zetu serikali ingetugawia

viwanja kwanza leo hii watu waliobomolewa nyumba zao waliowengi hawana

uwezo wa kujenga nyumba nyingine kutokana na umri wao kuwa mkubwa na

wengine uwezo wa kifedha kuwa mdogo




Alifafanua kuwa wakazi hao wa mitaa hiyo wameishakwenda kwenye maeneo

hayo kwa kipindi cha zaidi ya miaka 50 (hamsini)




Wananchi wa mitaa hiyo walikuwa na mgogoro wa TANROADS mkoa wa katavi

toka mwaka jana mwezi wa Novemba walipoewa notisi ya mwezi mmoja wawe

wamehama katika maeneo hayo ili kupitisha upanuzi wa barabara ya

Mpanda-Kigoma.




Hata hivyo wanachi walipinga kuhama kwa kile walichodai walipwe fidia

kwanza ambapo TANROADS walidai kuwa wananchi hao walilipwa malipo yao

toka mwaka 1934 ambapo walilipwa kila mmoja shilingi mia tatu kama

fidia wakati




Hali hiyo iliwafanya wananchi hao waombe kibali cha kufanya maandamano

hapo Februari 25 mwaka huu ya kumtaka Meneja wa TANROADS Katavi Izack

Kamwelwe aondplewe hata hivyo Jeshi la polisi liliyafuta maandamano

hayo.