HATARI:MWANAMKE AUAWA KWA KUKATWA KATWA NA MAPANGA AKIWA AMELALA NA MWANAE WA KIKE CHUMBANI KWAKE‏

Na Walter Mguluchuma

Katavi

mwanamke mmoja mkazi wa Kijiji cha Songambele kata ya Itenka

wilayani Mlele mkoa wa Katavi Solile Juma (52) ameuwawa kwa

kukatwa katwa na mapanga wakati akiwa amelala nyumbani kwake

akiwa na mwanae kutokana na imani za kishirikina

Kaimu kamanda wa jeshi la polisi wa Mkoa wa Katavi Joseph

Myovela alisema kuwa tukio hili lilitokea hapo juzi majira ya saa

tisa usiku nyumbani kwa marehemu ambae alikuwa akiishi na

mwanae Wa kike aitwaye Nkamba Chambani (15)

Alisema siku hiyo ya tukio marehemu alikuwa na mwanae huyo na

baada ya kumaliza kula mlo wa usiku waliingia kulala ambapo

mwanae alikuwa akilala sebuleni na mama yake akilala chumbani

Myovela alieleza kuwa ilipo timia majira ya saa tisa usiku

walisikia mlango ukivunjwa kwa kitu kizito na watu wasio

fahamika idadi yao waliingia ndani wakiwa na tochi zenye mwanga

mkali huku wakiongea kwa lugha ya kabila la wasukuma wakimtaka

marehemu atowe fedha zote alizo kuwa nazo

Hata hivyo marehemu huyo pamoja na mwanae hawakuweza kuwajibu

lolote watu hao kwa kuendelea kukaa kimya huku wakilazimishwa

kutopiga kelele za mayowe ya kuomba msaada kwa jirani zao

kaimu kamanda alieleza ndipo watu hao walipoanza kumshambulia

marehemu kwa kumkata kata kwa mapanga sehemu mbali mbali za mwili

wake huku mwanae akiwa akishudia tukio hilo na watu hao

wakimtaka asipige mayowe vinginevyo nayeye watamshambulia kwa

mapanga

Baada ya kuona marehemu amefariki dunia watu hao walitokomea

mahali kusiko julikana huku wakiwa hawaja chukua kitu chochote

cha marehemu Solile

Myovela alisema binti huyo wa marehemu baada ya kuona mama yake

ameuwawa aliendelea kukaa ndani hadi kuliko pambazuka ndipo

alipo chukuwa jukumu la kwenda kumtaarifu babu yake aitwaye Juma

Makoja na baada ya kufika kwenye tukio alitowa taarifa kwenye

uongozi wa kijiji ambao nao walitowa taarifa kwa jeshi la polisi

Alieleza kuwa katika tukio hili mwanae na marehemu hakujeruhiwa

sehemu yoyote ile hari ambayo inahashiria kifo hiki

kimetokana na imani za ushirikina

Hakuna mtu wala watu walio kamatwa kuhusiana na tukio hili

uchunguzi na ufuatiliaji wa kuwasaka waliohusika na mauwaji ya

haya unaendelea na mwili wa marehemu umeisha fanyiwa uchunguzi

wa daktari na wamekabidhiwa ndugu zake tayari kwa mazishi

yaliyo pangwa kufanyika jana kijijini kwake Songambele

Kaimu kamanda Myovela ametowa wito kwa wanancchi wa Mkoa wa

katavi kuepukana na imani za kishirikina ambazo zimekuwa

zikisababisha mauaji ya watu nwasiokuwa na hatia mkoani hapo