MKURUGENZI WA MANISPAA AWAPA ONYO WATENDAJI KWA KUSHINDWA KUTEKELEZA MAAGIZO.

  Na  Walter   Mguluchuma.

       Katavi .

Mkurugenzi wa  Manispaa ya  Mpanda  Mkoani  Katavi  Michael  Nzyungu  amewapa  onyo  Maafisa watendaji watatu  wa  Kata   ambao wameshindwa kutekeleza  maagizo ya  Baraza  la  Madiwani  la  Halmashauri  hiyo.

Nzyungu  alikiambia  jana  kikao  cha  Baraza la  Madiwani   lililofanyika  katika  ukumbi wa  Manispaa  hiyo kuwa    amewandikia  barua  za  onyo maafisa watatu wa  watendaji wa   Kata  ambazo zimeshindwa  kutekeleza    agizo la  Baraza la  madiwani walilolitowa  la kuwataka  watendaji wote wa  Kata kuwasilisha  taariza   za  utekelezaji wa  shughuli  zinazofanywa  kwenye  Kata  zao  kila baada ya miezi mitatu.

  Alilieleza  Baraza  hilo  kuwa   katika   Kata  kumi na  tano zilizopo  kwenye  Manispaa  hiyo watendaji  kumi na  mbili  wameweza kuwasilisha  taarifa zao  kama  ambazovyo    baraza   la  madiwani  lilivyo  wataka kufanya hivyo  lakini  kata  tatu   zimeshindwa kufanya  hivyo .

  Alizitaja   Kata  ambazo  watendaji wake wameshindwa  kuwasilisha  taarifa zao  za  utendaji wa  shughuli  zinazofanywa  kwenye   Kata  zao  za   kipindi cha  robo  tatu ya mwaka  kuwa  ni maafisa watendaji wa  Kata za   Majengo  , Kasokola na  Kakese .

Alisema  amelazimika  kuwapa  onyo  maafisa  hao  watendaji wa  Kata  kwa  kushindw kutekeleza  maagizo ya   Baraza  la  madiwani   kitu  ambacho  ni   uzembe  mkubwa  sana  kwa  mtumishi kushindwa kutekeleza  maagizo ya  baraza  la  madiwani .

Nae  Meya wa  Manispaa  ya   Mpanda   Willy  Mbogo  alisema  kuwa   maagizo ya  Baraza  la   madiwani  ni  kitu  kikubwa   sana  hivyo  ni  lazima  yawe  yanatekelezwa  kadri  yanavyo  kuwa   yametolewa na  sivinginevyo .

Na  aliwataka  wataalamu  wote  wa  Manispaa  hiyo  kuwahakikisha   wanaheshimu  vikao  vya  baraza   la   madiwani  kwa    kuhudhuria   vikao vya  baraza  la  madiwani  bila kukosa .

Mbogo   alilieleza  Baraza  hilo   kuwa   hari ya  barabara  katika  Manispaa hiyo   zimeharibika   kutokana  na  mvua  zinazoendelea kunyesha  hivyo wanawasiliana  na  wakala wa  barabara   za     mjini  na   vijijini  TARURA ili  waweze  kuzitengeneza  kwani kwa  sasa  Halmashauri  hazihusiki  na  matengenezo ya  barabara.

 Aliyataka  mashirika  yote na  taasisi zilizopo  katika  Manispaa  hiyo  watii   mamalaka  na  sheria za  Serikali  za  mitaa kwa kufanya  usafi kwenye  maeneo yao  kama  ambazo inavyoelekezwa  kwani zipo taasisi za umma  zimekuwa  hazitii  sheria.

Diwani wa  Kata ya  Makanyagio  Haidari  Sumry  kwa  upande  wake  aliliambia  baraza   hilo  la  madiwani  kuwa     msimu wa  kilimowa  mwaka jana  wakulima  walichelewa  kufikishiwa  mbole kwa  wakati  hari  ambayo iliwafanya wakulima wapate  hasara ya kuvuna  mazao machache hivyo  aliiomba kwa  mwaka huu wakulima  wapatiwe mbole na pembejeo za kilimo kwa wakati .

  Aliomba pia  ruzuku  zinazotolewa  kwenye   mbolea   zitolewe pia kwenye   mbegu  kwani   bei ya  mbegu zipo juu  sana kwani baadhi ya  mbegu kilo moja  inauzwa  mpaka  TSHS 10,000.

Kwa  upande  wake   Diwani wa   vitu  maalumu   Getruda  Kaminda  aliipongeza   Kata ya  Kashaulili kwa kuwaza kupunguza  kuondoa  taka  kwa   asilimia     85.

Baraza  hilo la  madiwani kwa  kauli  moja  limempongeza  Mkuu wa   Wilaya ya  Mpanda  Lilian  Matinga  kutokana  na   jitihada  kubwa   anayofanya  katika  manispaa  hiyo ya  kuwahamasisha  wadau  mbalimbali   ambao wameweza kuchangia  katika  swala la  elimu kwa kujenga  madarasa na kuchangia  madawati.

MWISHO