MADREVA WA BAJAJI WAWEKA MGOMO.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

    Walter    Mguluchuma .  Na  Irine  Temu

           Katavi .

Wamiliki  na madreva  wa   bajaji wanao  fanya   shughuli za  usafiri   katika  Manispaa ya   Mpanda  Mkoani  Katavi wamefanya   mgomo na  kusitisha  kutowa  huduma  za  usafiri   katika  maeneo ya   Manispaa ya  Mpanda  na   nje  ya    Manispaa   baada  ya   SUMATRA  kUpiga  marufuku  bajaji  zote   kufanya   safari kwa  kupitia   barabara kuu.

Mwenyekiti wa   wa    madreva  wa    Bajaji    Rashid   Juma   alisema  wameamua  kusitisha  kutowa  huduma  ya  usafiri  kwenye  maeneo  ya  Manispaa ya   Mpanda  na  nje  ya  Manispaa  baada ya  Mamlaka  ya  usafiri wa   nchi  kavu  na   majini   SUMATRA  kupiga  marufuku   bajaji  zote  kufanya   safari  zake  kwa  kutumia  barabara kuu  zilizopo  katika   Mkoa wa   Katavi .

Alisema wameamua  kusitisha  huduma  hiyo ya  usafiri kuanzia  Agosti    7  ingawa    SUMATRA   lIkuwa   imepatowa  agizo  hili  lianze  kutumika   Agosti  8   hivyo  wamesitisha  huduma  hiyo  sio  kwenye       barabara kuu tuu  bali   wamesitisha  kutowa  huduma  kwenye    maeneo  yote  hata  yale  ya  barabara  ndogo  mpaka  hapo    Sumatra  itakapo  waruhusu kutumia  barabara kuu.

  Mwenyekiti  huyo  alieleza   kitendo cha  kuwazuia  kufanya  safari  kupia  kwenye  barabara kuu  kutawafanya wakose  mapato  na  kusabisha   kushindwa  kulipa  mapato   kwenye    Mamlaka ya  mapato  hari  ambayo   itawza kuwafanya  madreva hao kujiingiza  kwenye   maswala ya  uharifu .

Mwenyekiti wa  wasafirishaji  ambae  pia  ni  Mwenyekiti wa    Kamati ya  usalama   barabarani wa  Mkoa wa   Katavi  Nassor   Arfi  alisema    ameisha   pata   taarifa  za   kusimamishwa  kwa  huduma   za usafiri  wa    bajaji kupita  kwenye   barabara kuu  za   Mpanda  Kigoma ,  Mpanda  Sumbawanga   na   Mpanda  Tabora  na   amefanya  mawasiliano na   Mkuu wa  Mkoa  wa  Katavi   ambae   amemwahidi  kumpatia  majibu   baada ya kuwa   amefanya   mawasiliano  na   viongozi wa  SUMATRA.

Arfi  alisema   Mkoa   wa  Katavi  hau  njia    nyingine    mbadala   za kuwafanya   madreva wa  majaji  kuweza  kutumia  hivyo ni   vema   SUMATRA  wakatumia   busara kwenye   swala  hilo  kulingana  na  mazingira  yalivyo kwa sasa   katika  Manispaa ya  Mpanda.

Meneja  wa  SUMATRA  wa   Mkoa  wa   Katavi   Amani  Mwakalebela    alieleza  kuwa    Nchi ya  Tanzania  inaendeshwa kwa   kanuni  na  sheria  na   wao   Sumatra  wanafanya   kazi kwa   msingi  wa  sheria na   kanuni  na  wao    wametumia   kifungu     18  cha  sheria  za  usalama  barabarani  kuzizuia    bajaji  kupita  kwenye  barabara kuu.

  Alisema pia  wameangalia   hali ya   usalama  kwa   sasa   baada ya   barabara kuu    kuwa  za  kiwango  cha   lami  kumefanya   usalama  kwa  sasa   sio  salama  kwa    bajaji  kwa  hivyo   msimamo wa   SUMATRA   Mkoa wa  Katavi   ni   bajaji  zote  kupita  kwenye  barabara  ndogo  na  sio  barabara kuu.

Aglipina   Petro  Mkazi  wa  mtaa wa   Kazima    alisema    ameshindwa  leo   kumpeleka   mgonjwa  wake  hospitali  baada  ya  kukosa  huduma  ya  usafiri  wa   Bajaji

Joice  Longino   Mkazi wa  Kijiji  cha    Ibindi      alieleza  kuwa  kitendo  cha    bajaji  kusitisha  huduma ya  usafiri  kumesababisha    badhi ya   wafanya  biashara   kushindwa   kufika  mjini   Mpanda  kununua  bidhaa kwa   ajiri ya  biashara  zao .