DIWANI ALILIA WANANCHI WAKE KUTOLIPWA FIDIA YA ARDHI KWA KIPINDI CHA MIAKA ZAIDI YA MIAKA 5 SASA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

         Na  Walter    Mguluchuma.

                     Katavi .

  Diwani wa   Kata ya  Kazima  Manispaa ya  Mpanda  Elias  Mwanisawa  amelalamikia   kitendo cha  Wakazi wa  Kata ya  Kazima   ambao  wanazaidi ya   miaka  mitano   sasa   wameshindwa kulipwa   fidia yao ya  fedha   kutokana  na  eneo  lao  la   ekari 500 kuchukuliwa kwa  ajiri ya ujenzi wa  Chuo Kikuu  cha   kilimo  cha   Mkoa  wa    Katavi  ambacho  kimeshindikana  kujengwa .

Akitowa  malalamiko  hayo      hapo  jana   mbele  ya  wandishi wa  habari   alisema  jumla ya  wakazi 200 wa  Kata  hiyo wanaidai   Manispaa ya   Ekari  zao 500  zilizochukuliwa  na  Halmashauri  hiyo kwa  ajiri ya ujenzi wa  Chuo  kikuu cha  Kilimo    KUWA.

  Mwanisawa  alieleza   kuwa   Halmashauri  ya  Mji wa  Mpanda  sasa   Manispaa  walichukua   eneo  hilo  la  wakazi hao  ambao  walikuwa   wakifanyizia  shughuli  mbali  mbali  zikiwemo za  kilimo  kwa  lengo la  kujenga  chuo  hicho cha  kilimo   ambacho  kimeshindikana   kujengwa  baada ya  kukosa  wafadhili.

  Alisema  pamoja  na   ujenzi wa     chuo  hicho kuwa   umeshindikana  lakini   Halmashauri ya   Manispaa  imeshindwa  kuwarejeshea  eneo  lao  hilo  la   ekari 500  baada  ya   hati  miliki  ya  eneo  hilo kuonekana  mmiliki  wa  eneo  hilo  ni    Manispaa  licha  ya  kutokuwa  wamelipa   fidia kwa  wananchi waliokuwa wakimiliki  eneo  hilo .

  Alimwomba  Rais  John  Maguful   aingilie  swala  hilo  kwani   limekuwa    ni  lamuda  mrefu  sasa   na  limeshindwa  kupatiwa    ufumbuzi na   viongozi wa  ngazi ya   Wilaya , Mkoa   na   Wizara ya      Ardhi.

Nae  Salome    Pesambili   alieleza  kuwa  kwa  kuwa  wameshindwa  kulipwa  fidia  waliokuwa  wameahidiwa  kulipwa   baada ya  kuwa  wamekubali  kuacha   maeneo yao ya  ARDHI  kwa   ajiri ya   kupisha  ujenzi wa   chuo  hicho  na   kimeshindikana kujengwa  huku  wao  wakiwa  hawajalipwa   fidia  yao   basi wanaomba  warudishiwe  ardhi yao .

  Alisema  yeye  kama kiongozi wa  wahanga hao   aliwahi  kwenda  Dodoma  mara  mbili   akiwa   na   baadhi ya wahanga  wenzake  na  kuonana  na   Naibu   Waziri wa   Ardhi  lakini  mpaka  sasa  utekelezaji wa  swala  hilo  hauja  tekelezwa .

   Said  Juma  alisema    eneo  hilo  kabla  ya  kuchukuliwa  na   Halmashauri  walikuwa wakilitumia  kwa  ajiri ya  kuendeshea  kilimo  na  waliweza   kupata  fedha  za baada ya kuuza  yao  na  waliweza  kuwasomesha watoto  wao  shule .

Kumekuwepo na   mgongano kwa  muda  mrefu  sasa  baina ya   Halmashauri na   wakazi  hao   ambao  wamekuwa  wakidai      kulipwa  fidia yao  au  kurudishiwa    ardhi  yao  hata  hivyo  imekuwa  ikishindikana  kulipwa  fidia ya  ardhi yao  kutokana  na  Halmashauri kutokuwa  na  fedha  za  kuwalipa  fidia  huku  hati ya  eneo  hilo  ikiwa   ipo   mikononi  mwa   Benki  moja  ambako  iliwekwa  kama   mdhamana wakati wa   taratibu  zilipokuwepo za  ujenzi wa chuo  hicho Kikuu.