Vurugu kubwa zimetokea katika machimbo ya madini ya dhahabu ya Isumamilomo

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

   Na  Walter  Mguluchuma.

      Katavi .

Vurugu  kubwa  zimetokea  katika   machimbo  ya   madini   ya  dhahabu ya  Isumamilomo    Tarafa ya  Nsimbo  Wilayani  Mpanda   baina ya   wachimbaj  wadogoi wa madini  ya dhahabu   na walinzi wa   mgodi wa   machimbo hayo na kusababisha  kibanda  cha  ofisi cha kupimia  dhahabu  na  chawalinzi  kuchomwa moto na wachimbaji huku  rissi kadhaa  zikipigwa  hewani na  walinzi wa  mgodi kwa  lengo la kuwatawanya wachimbaji wenye  hasira .

  Kaimu  Kamanda wa  Jeshi la  Polisi wa   Mkoa wa  Katavi    Benedict  Mapujila  aliwaambia  wandishi wa  Habari kuwa  vurugu   hizo   zilizodumu zaidi ya saa  moja  zilitokea  hapo jana  majira ya saa   mbili na  nusu katika   machimbo  hayo .

  Alisema  chanzo cha   vurugu  hizo   zilitokana  na   walinzi wa  mgodi huo  kumkamata   mchimbaji    mdogo  mmoja  wa  madini ya   dhahabu    akiwa  na  jiwe  linalosadikiwa   kuwa    na dhahabu    akiwa  na lengo la kulitorosha .

Kaimu   Kamanda   Mapujila  alieleza kuwa   baada ya  mchimbaji  huyo  kuwa   amekamatwa  na  walinzi  hao  inadaiwa  walianza kumshambulia kwa kumpiga   kitendo  ambacho  kiliwakasilisha  wachimbaji  wenzake kwa kile walichodai kuwa  imekuwa ni tabia  ya walinzi wa  mgodi huo  kuwapiga wachimbaji .

Kutokana na  hari   hiyo   kundi  kubwa  la  wachimbaji  lilijikusanya  na  kisha  waliamua  kuvamia  banda   la  walinzi  wa  mgodi na    ofisi  ambayo    limekuwa likitumika kwa ajiri ya    kupimia  dhahabu  na  kuliharibu  na kisha kulichoma  moto  na kuliteketeza   kabisa kwa  moto .

   Alisema  wakati wachimbaji hao  wakichoma    banda  hilo   walinzi wa     mgodi huo  walifyatuwa  risasi  hewani  lakini  wachimbaji hao  hawakujali waliendelea  kuharibu  kibanda  hicho  bila   kujali   risasi.

  Polisi walifika  katika  eneo  hilo  baada ya  muda  si  mrefu  na  waliweza  kufanikiwa  kutuliza    vurugu  hizo   licha  ya  kukuta  kibanda   na  ofisi   vikiwa   vimeharibiwa  vibaya na   kuteketea kwa  moto .

Mkuu  wa   Mkoa  wa   Katavi   Meja   Generali     mstaafu  Raphael  Muhuga   alifika  kwenye   eneo  hilo  na  kisha    alisikiliza   kero  mbalimbali walizozitowa  wachimbaji  hao wa  madini ya  dhahabu .

Baada  ya kusikiliza  kero hizo za  wachimbaji hao wadogo     Mkuu  wa  Mkoa   Raphael  Muhuga   aliwataka  wachimbaji  hao kufuata   tararibu    zilizowekwa  na  serikali .

Alisema kitendo cha  wachimbaji kutorosha   dhabu   bila  kupima   kunasababisha  Serikali kukosa  mapato yatokanayo na  machimbo  hayo ya   dhahabu .

Eneo  hilo  la  machimbo ya  Isumamilo   limekuwa  ni  maarufu  sasa  kwa  kipindi cha  miezi   minne  sasa kutokana na  eneo hilo kwa kuwa  zinapatikana   dhabu   nyingi   na  kuna  wachimbaj  wadogo wadogo i zaidi ya 6000  ambao   wametoka   katika  Mikoa  mbalimbali  hapa   nchini  na  hasa wa  Kanda ya  ziwa  na wafanyabiashara wa kununua  dhahabu .