HATARI: MAMA AUWA MWANAE KWA KUMPIGA NA FIMBO BAADA YA KULEWA POMBE ZA KIENYEJI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na  Walter   Mguluchuma.

        Katavi .

  Mwanafunzi wa   darasa la pili   shule ya Msingi  Mnyamasi   Kijiji  cha  Vikonge  Kata ya  Ntongwe  Wilaya ya Tanganyika  Mkoani   Katavi    Felista Oto    Moses  9  amefariki Dunia baada ya  kupigwa  fimbo  katika sehemu mbalimbali za mwili wake na  mama yake  mzaz ambae alikuwa  amelewa pombe ya kienyeji.

Kamanda  wa  Polisi wa   Mkoa wa  Katavi   Damas  Nyanda  aliwaambia wandishi wa  Habari  jana  kuwa tukio  hilo  lilitokea hapo juzi  majira ya saa kumi na mbili jioni   nyumbani kwa wazazi wa  marehemu  huyo   Kijijini  hapo.

Kamanda    Nyanda  alimtaja      aliyempiga  mtoto  huyo   hadi  kufariki  Dunia  kuwa ni   Maria   Jackisoni 27   ambaeo   ni  mama  mzazi wa  marehemu  huyo  aliyekuwa  akiishi nae nyumbani  kwake na mumewe.

  Alisema  kabla ya tukio  hilo   mama wa  marehemu wa mtoto huyo  alikwenda  kwenye  klabu cha kuuza pombe za kienyeji  aina ya  komoni na  kunywa  pombe  hiyo  akiwa  na  jirani  zake  aliokuwa  amefatana  nao .

Maria   Jackisoni  baada ya kuwa  amekunywa  pombe  na kutosheka   aliwaaga  wenzake kuwa  anarudi  nyumbani   kwake  kwa  lengo  kwenda la kuandaa  chakula  cha   usiku cha  familia  yake .

 Alipofika  nyumbani  alimwita  marehemu na  kisha   alianza kumpiga   katika  sehemu  mbalimbali za  mwili wake kwa  kutumia  fimbo  lisha ya  mtoto  huyo kupiga  mayowe ya kuomba msaasa kwa  majirani lakini majirani   hawakuweza kufika  kwenye   eneo hilo kufuatia  kauli za hapo nyuma  za  mama wa  mtoto huyo alikuwa akiwajibu walipkuwa wakimsihi asiwe  anampiga mtoto huyo na mara zote alikuwa akiwajibu kuwa hakuna  aliyemsaidia kumzaa mtoto huyo.

Baada ya kuwa  amempiga   mtoto huyo kwa  muda  mrefu  mtoto huyo  alianza kuishiwa  nguvu na  mama  huyo  hakujali  aliendelea kumpiga tuu  hadi  alipofariki  Dunia kutokana na  kupingwa    fimbo  nyingi kupita kiasi  na  mama yake mazazi .

  Alisema  chanzo  cha  mama  kumpiga  mtoto  huyo  hadi kufa  kulitokana  na  mama wa  marehemu kumpiga      mtoto huyo  huku  akiwa   amelewa  pombe kupita kiasi .

Mtuhumiwa   anashikiliwa na  jeshi la  polisi kwa ajiri ya  mahojiano zaidi na  mara  baada ya uchunguzi  kuwa  umekamiliki atafikishwa  mahakamani  ili   aweze  kujibu  mashitaka  yanayo  mkabili  mtuhumiwa  huyo .