VIJANA WATAKIWA KUTUMIA SEKTA YA KILIMO NA SEKTA ISIYO RASMI KWA KUKUZA UCHUMI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

   Na   Walter  Mguluchuma .

        Katavi

  Waziri wa  Nchi  Ofisi ya  Waziri  Mkuu  Sera,  Bunge     kazi,      ,Ajira   Kazi .vijana  na   watu  wenye  ulemavu   Jenista  Mhagama   amewataka   vijana  hapa  Nchini  kutumia  sekta ya  kilimo  na  sekta  isiyo   rasmi  ili  kukuza uchumi wa  Nchi  na  uchumi wao.

Mhagama  alitowa  kauli  hiyo  hapo  jana  wakati  alipokuwa   akifungua   kongamano la   vijana  lililofanyika  katika  ukumbi wa  Manispaa  ya    Mpanda   Mkoani   Katavi na liliwashirikisha   vijana  150  kutoka  katika   Halmashauri zote za  Mkoa wa  Katavi .

  Alisema    endapo   vijana  ambao  ndio  nguvu  kazi ya  Nchi  hii  watatumia   vizuri   sekta ya  kilimo  na  sekta  isiyo  rasmi     zitawasaidia  kubadili  maisha  yao  na  kukuza  uchumi  wa   ncihi  kwani  sekta  isiyo  rasmi  na  kilimo   ndizo  ambazo  zinawagusa  vijana  wengi .

 Alisema   vijana  wa    Mkoa  wa   Katavi  wanayo    kazi  kubwa   ya  kujenga  uchumi wa  Mkoa   wao   na  uchumi  wa   Nchi  kwani     vijana  hapa    nchini   wanachangia   asilimia  55 ya  nguvu   kazi ya  Taifa .

  Waziri   Mhagama  alieleza   Serikali   imeamua  kuweka   mkazo  wa kukuza     ujuzi  wa  vijana  wa   Nchi  yetu  kwa kuwatowa    kwenye  ujuzi  mdogo  ili  waweze  kwenda  kwenye  uchumi  wa  kati .

  Alifafanua  kuwa   viwanda    vidogo  na   viwanda  vya   kati   ndivyo   ambavo   vitategemewa    sana  katika  swala  la  kukuza  uchumi  wa   Nchi    katika   nchi  nyingi   duniani .

  Alisema  Serikali  itaendelea  kuboresha   mifuko ya  mikopo ya   vijana  ili  kuboresha   uchumi  wa  vijana  na    itatowa  mikopo  kwa  miradi   iliyo  na  tija   na  miradi   ambayo  haina  tija   Serikali  haitatowa  mikopo .

  Hivyo  vijana   wafanye  kazi  kwa  bidii   na  wawe  wavumilivu  na  wajiendeleze   kwenye   sekta  za kuwaletea  maendeleo  kwa kuanzisha   vikundi  vya kuwaletea  maendeleo .

Aliwaonya   vijana  waache   kupenda  maendeleo ya   haraka   kwa  kutumia  kwa  njia ya   mkato  na  badalala ya  kufanya  kazi  kwa  bidii na kupata maendeleo yao kwa  hatua kwa  hatua .

  Alisema  vijana  wengi  hapa  Nchini   hawapendi  kufanya  kazi    na   badala  yake  wanapenda  utajiri wa  haraka  haraka  bila  kufanya  kazi .

  Pia  amewataka  vijana  kuwa  wapambanaji wa kupambana  na   kurushwa ,  dawa  za  kulevya   na   ugonjwa wa  ukimwi  kwani  wao   bila  kutowa  ushirikiano kwa  serikali   haitaweza  kufanikiwa .

Mkuu  wa  Mkoa  wa  Katavi  Meja   Generali    Mstaafu   Raphael    Muhaga  alisema   kongamano  hilo  la   vijana  litawasaidia  kuzifahamu  rasilimali  zilizopo      katika   Mkoa  huo  na  watapata  nafasi ya kuelishwa namna ya kuunda   vikundi vya  ujasiliamali  na  jinsi ya  kukopa  katika  taasisi za  kibenki.

MWISHO