TAASISI YA BENJAMINI YA KABIDHI BAISKELI 158ZENYE THAMANI YA MILIONI 30 KWA WAHUDUMU WA AFYA NGAZI YA JAMII.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter  Mguluchuma .

      Katavi .

  Taasisi  ya    Benjamin  Wiliam   Mkapa  BMF  imekabidhi   baiskeli 158 mabuti 25,  na  makoti ya mvua  25  na   mabegi 150  vikiwa na thamani ya milioni 30  kwa   Mkuu wa  Mkoa wa   Katavi   Meja   Generali   Mstaafu  Raphael    Muhuga  kwa   ajiri  ya kuwawezesha  wahudumu  wa    Afya   ngazi ya  jamii  kutekeleza  majukumu yao  kwa  urahisi zaidi .

  Makabidhiano   hayo yalifanyika  hapo jana katika   viwanja  vya  ofisi ya   Mkoa wa  Katavi  ilipo  katika   Mtaa wa  Ilembo  na yalihudhuliwa  na  viongozi wa   Halmashauri zote za   Mkoa wa  Katavi .

Afisa  mradi  wa  Taasisi  ya  Benjamini  Wilamu    Mkapa  TB  na  HIV     DR    David    Mkali  alisema  taasisi   hiyo  kwa kushirikiana  na  wizara  ya  Afya    Maendeleo na  Jamii, Jinsia  Wazee  na  Watoto   Mpango  wa  Taifa  wa kifua kikuu na ukoma  pamoja  na Mpango  wa  Taifa  wa kudhibiti Ukimwi  inatekeleza  mradi  wa ukimwi  na kifua kikuu chini  ya Shirika  ya  shirika  la  Save  the  Children kupitia ufadhili  wa mfuko  wa Dunia  wa kupambana  na ukimwi ,kifua kikuu na Malaria .

  Alisema   mradi huo unatekelezwa  kwa kipindi  cha  miaka  mitatu  katika  Mikoa ya  Rukwa ,  Katavi    na  Tabora  unalenga  kuisaidia   Serikali  kupunguza    maambukizi  ya kifua  kikuu kwa  silimia  ishilini na tano  na kupunguza  vifo  vitokanavyo  na kifua kikuu kwa asilimia hamsini  mpaka kufikia mwaka 2020.

Pamoja  na  hayo  mradi    mradi  unalenga  kupunguza  maambukizi  mapya  ya virusi  vya ukimwi ,kupunguza  vifo vitokanavyo na ukimwi ,kutokomeza  unyanyapaaji  na kuongeza  upatikanaji  wa  urahisi  huduma  za  ukimwi   hasa  upimaji  wa VVU.

Dr  Mkali  alisema katika  kuhakikisha   malengo  ya  mradi  yanafikiwa   Taasisi  ya  Mkapa imetowa mafunzo  mbalimbali katika  ngazi  ya jamii ikiwemo  mafunzo  kwa wahudumu  wa  afya  ngazi ya jamii 183 juu ya  ubainishaji  wa wagonjwa  wa kifua kikuu ndani ya jamii.

  Ili  kufanikisha  malengo ya mafunzo   hayo  Taasisi  imekabidhi   baiskeli  158,mabuti   25 na  makoti ya  mavua  25 na  mabegi 150 kwa Mkuu wa  Mkoa wa  Katavi  zitakazo tumiwa  na wahudumu  wa  Wilaya zote za  Mkoa wa  Katavi  katika utekelezaji  na ufuatiliaji  wa majukumu yao  ikiwemo  ubainishaji  na ufuatiliaji  wa wagonjwa  wa kifua kikuu na ukimwi kwenye jamii  husika .

  Nae  Kaimu   Mganga   Mkuu wa  Mkoa wa   Katavi   Gabriel  Chengula   alisema  Taasisi  hiyo ya   Benjamin  Mkapo   mbali ya kutowa vifaa  hivyo   pia  wamefanya  ukarabati   katika  Hospitali ya  Inyonga na   zahanati ya  Simbwesa  ili  ziwe zinatowa  huduma  ya upimaji wa  ugonjwa wa kifua kikuu.

Mkuu  wa  Mkoa wa   Katavi  Meja  Generali  Mstaafu    Raphael  Muhuga   alieleza  kuwa  Serikali   Serikali ya  Tanzania  imekuwa  ikishirikiana  na  Taasisi ya   Benjamini   Mkapa  katika kupambana na   ukimwi  na  ushirikiano huo  utaendelea.

Alisisitiza   wahudumu wa   afya wa   ngazi ya  jamii watakao kuwa wamepewa vifaa  hivyo wahakikishe wanavitunza  na wanavitumia kwa  matumizi yaliokusudiwa na si  vinginevyo .

Nae    mmoja  wa       afya  wa   ngazi  ya  jamii   Salome  John  alieleza  kuwa    baiskeli na  vifaa   hivyo  vitawasaidia   kufika  kwenye  maeneo w anayofanyika kazi kwa  haraka zaidi na  wataweza kuwahudumia watu wengi kwa muda  mfupi tofauti na  awali .

MWISHO