MIAKA 2O JELA KWA KUKUTWA NA NYARA ZENYE THAMANI YA TSH MIL65

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

  

Walter  Mguluchuma Na  Arine  Temu.

      Mlele

MAHAKAMA ya Wilaya ya Mlele iliypo mkoani Katavi  imemuhukumu mkazi wa
 kijiji cha Mkuyuni – Majimoto , Roza John (39) kutumikia  miaka 20
jela baada ya kukiri kosa la kumiliki nyara za Serikali zenye thamani
ya zaidi ya Sh milioni 1.5/-

Mshtakiwa huyo  alikuwa akikabiliwa na kesi ya uhujumu uchumi  namba 8
ya 2016  na makosa ya kupanga ambapo alikutwa akimiliki isivyo halali
ngozi tatu za mnyama aitwae  kano  na ngozi moja ya pakapori.

Akitoa hukumu hiyo , hakimu wa mahakama hiyo , Teotimus Swai alisema
kuwa licha ya mshtakiwa  huyo  kikiri kosa lake hilo mahakama hiyo
imelezimika  kumpatia adhabu hiyo  kali  ili iwe fundisho  sio kwake
tu bali pia kwa wengine wenye tabia  kama yake.

Aliongeza kuwa mshtakiwa huyo alitenda kosa hilo  kinyume cha kifungu
cha 86(i) (2) na (ii) ya  sheria ya hifadhi  ya wanyamapori  namba 5
ya 2009.

Awali Mwendesha Mashtaka wa Serikali , Jamila Mziray alieleza
mahakamani hapo kuwa  mshtakiwa  huyo alitenda  kosa hilo Septemba 11
, 2016  katika kijiji cha Mkuyuni – Majimoto kilichopo katika  wilaya
ya Mlele .

Mziray alidai kuwa siku hiyo ya tukio  askari  polisi  walifanya
upekuzi  nyumbani kwa mshtakiwa na kumkuta akiwa anamiki kinyume cha
sheria ngozi tatu za mnyama aitwae kano  na ngozi moja ya pakapori
kwa pamoja zikiwa na thamani ya zaidi ya Sh milioni 1.5/-



Mwisho