IDADI YA VIFO VITOKANAVYO NA UZAZI VYA ONGEZEKA .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

  Na  Walter   Mguluchuma   Na  Arine  Temu .

              Katavi .

  Idadi  ya  vifo   vya  mama   vitokanavyo   na  uzazi     zimeongezeka  kutoka   kutoka  vifo     454  vya  mwaka 2010       kati  ya   vizazi  hai   100,000   na  kufikia   vifo   556   kwa  mwaka  2015\216 kati  ya  vizazi  hai    laki  moja   ambao   hupoteza   maisha  kutokana  na   matatizo ya  uzazi .

   Hayo  yalisemwa  hapo  jana  na   Afisa  utawala  wa   taasisi ya  utepe   mweupe  na  uzazi  salama   Lyidia  Kamwaga  kwenye  kikao  cha  wadau   wa   afya ya  mama   na  mtoto  wa   Kanda  ya   Magharibi  uliofanyia   jana   katika  ukumbi  wa   Maji   Mjini   Mpanda  na       uliwashirikisha   Makatibu   Tawala wa  Mikoa  ya  Katavi ,  Rukwa  na   Kigoma   pamoja na  waganga  wakuu wa  Mikoa  hiyo na   Mafisa   Mipango .

  Alieleza  kuwa   takwimu  zilizopo  sasa   zinaonyesha   kuwa   wanawake    556  kati ya   vizazi   hai 100,000   TDHS  2015\2016  hupoteza   maisha  kutokana    na  matatizo ya  uzazi .

  Alifafanua  kuwa  takwimu  zilizotolewa  mwaka  2010   zilikuwa   zinaonyesha kuwa     vifo   454  zilikuwa  vitokea   kati  ya  vizazi  hai  100,000 .

  Alisema   katika   utafiti  uliofanywa  na  utepe  mweupe   katika  Halmashauri  169  za  hapa  nchini  waliweza  kubaini  Halmashauri  48  huwa   azitengi  fedha  kwa    ajiri ya  dharula  ya  kupunguza  vifo  vya  mama   na  mtoto  mchanga .

Kwa  upande wake  Mkuu  wa  Mkoa  wa  Katavi    Meja  Generali   mstaafu  Raphael   Muhuga   alisema   tatizo  la  vifo  vya    mama  na  mtoto  vinavyotokana  na  uzazi  linaaweza  kupungua  endapo   Halmashauri  zitatenga  fedha  za  kutosha   kwa  ajiri ya  kuokoa    uhai wa  mama  na  mtoto  mchanga .

  Alitowa  mfano wa  kituo  cha   Afya   cha  Mwese  kilichopo  katika   Wilaya ya  Tanganyika  Mkoani  Katavi  wafanyakazi  wa  afya  wamekuwa   wakitowa  huduma  ya   kuzalisha  wajawazito  kwa  kutumia  tochi  za  simu  za  mkononi   kutoka na  kituo  hicho  cha  afya  kutokuwa  na    huduma ya   umeme  kitu   ambacho ni  hatari kwa  mama    mjamzito .

   Katibu   Tawala  wa   Mkoa wa   Rukwa   Toxon  Nzunda   alieleza  kuwa  wajawazito  wengi  wamekuwa  wakipoteza  maisha   wakati  wa  kujifungua  kutoka na  kujifungulia  majumbani  kwao .

  Alitaja  moja  ya  sababu  inayowafanya   wajawazito  wajifungulie  nyumbani  ni  kutokana  na   wahudumu  wa  afya  kuwa  na  lugha  mbaya  kwa   wajawazito  wanapokuwa  wamekwenda  kiliniki    hari  ambayo  imekuwa  ikiwafanya  waamue  kujifungulia  majumbani kwao na  kukimbia  hosiptalini .

  Mganga   Mkuu  wa  Mkoa  wa  Katavi   Dkt   Yahaya  Hussein  alieleza  kuwa     ili  kufanikiwa  katika  kuokoa  vifo  vya  mama  na  mtoto   jamii  na  familia  wanayonafasi  kubwa ya  kupunguza  vifo  hivyo .

  Alisema  kumekuwa  na  usimamizi  mbovu   wa kuwasimia wahudumu  wa  afya  kwenye  zahanati  na  kwenye  vituo vya  afya  na   matokeo  yake  kumekuwa kukitokea vifo  vya akina  mama  na  watoto  ambavyo vingeweza  kuzuilika .

MWISHO