CHAMA CHA MPIRA WA MIGUU MKOA WA KATAVI CHAPATA VIONGOZI WAPYA .

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

      Na  Walter   Mguluchuma .

       Katavi

   Chama  cha   mpira wa  miguu   Mkoa wa  Katavi  KAREFA  kImepata viongozi watakao kiongoza   chama   hicho kwa  kipindi cha   miaka  mine   ijayo .

Uchaguzi wa kuwapata viongozi  hao ulifanyika  hapo  jana  katika  ukumbi wa  Kanisa   Katoliki    jimbo  la    Mpanda  na ulihudhuriwa  na     mjumbe wa   kamati ya  uchaguzi  kutoka  TFF    Juma   Lalika .

Makamu mwenyekiti wa  kamati ya  uchaguzi  ya   chama cha  mpira wa miguu   Walter  Mguluchuma  aliwatangazia  wajumbe wa  mkutano mkuu viongozi  wapya wa  chama  hicho   kuwa  ni .

Mwenyekiti  aliyechaguliwa ni  Emanuel   Chaula  alipata  kura   nane  dhidi ya  mpinzani wake  kwenye  nafasi  hiyo   Humud  Sumry   ambae   alipata  kura   mbili . nafasi ya   Makamu  Mwenyekiti  ilichukuliwa  na   Robart   Nyondo   ambae  alikuwa  mgombea pekee w nafasi hiyo na  alipata  kura  10  katika ya  kura 10  zilizopigwa na wajumbe wa mkutano huo mkuu.

Nafasi ya   Katibu  mkuu  ilichukuliwa na    David   Vianery    ambae    hakuwa na  mpinzani yoyote  na   alipata  kura  kumi  za  ndio na  katibu mkuu   msaidizi   alichaguliwa  Idd   Fumbo   aliyepata  kura  za  ndio  kumi.

Mtunza hazina wa  chama   hicho   alichaguliwa   Evarsti   Ntinda   aliyepata  kura  nane za  ndio na  mbili za  hapana   mjumbe wa   mkutano mkuu  alichaguliwa   Elias  Milwano   ambae   alipata  kuta tisa za  ndio   na  moja ya  hapana   ambapo  mwakilishi wa  vilabu   alichaguliwa     Rahimu  Said  alipata  kura  kumi za  ndio .

 Wajumbe wa  kamati    tendaji ya  chama  cha  mpira wa miguu  waliochaguliwa ni   Joseph   Mlenda ,     Marcus    Nazi   na    Brown   Wilam  ambao  wote  walipigiwa  kura za  ndio.

Uchaguzi  huo  ulivishirikisha  vyama  vitatu vya kutoka  Manispaa ya  Mpanda ,  chama  cha  mpira wa miguu  Wilaya ya  Tanganyika  na  chama  cha mpira wa miguu  cha  wanawake  cha   Mkoa wa   Katavi .

Akizungumza  mara  baada ya  kutangazwa kwa  matokeo ya  uchaguzi     mwakilisha wa  kamati ya  uchaguzi kutoka  TFF  Juma     Lalika  alisema   amefurahishwa  na  utaratibu  ulifanyika  kwenye  uchaguzi huo  kuanzia kwenye    usahili  hadi  uchaguzi  wenyewe .

Alisema   vyama  vingine  navyo  vinapaswa kuiga    utaratibu wa  uchaguzi wa   KAREFA  ambapo  uchaguzi  umefanyika  kwa   amani  kubwa  bila  kuwepo  na migogoro  ya   aina  yoyote  ile .