ASKARI WA HIFADHI YA KATAVI WAKAMATA WATU WATATU WAKIWA NA BUNDUKI SMG NA RISASI 10

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na    Walter  Mhuluchuma  .

         Katavi .

    Watu  watatu  wakazi wa  Mtaa  wa  Uwanja wa  Ndege   Manispaa ya  Mpanda   Mkoani  Katavi   wanashililiwa  na  jeshi la   Polisi  kwa  tuhuma  za  kukamatwa  wakiwa   na  Bunduki      ya  kivita  aina  ya SMG  yenye  namba  za  Nchi ya   Uganda  ikiwa  na  risasi  10  za   SMG.

 Kwa  mijibu  wa    taarifa za   Askari  wa  hifadhi ya   Taifa  ya     Katavi  watuhumiwa  hao  walikamatwa  jana  majira ya  saa  nane na  nusu   mchana  katika  eneo  la   Iku   ndani  ya   Hifadhi  ya   Katavi .

Watuhumiwa  hao  kabla  ya  kukamatwa   na   Askari  wa  Hifadhi ya  Taifa ya  Katavi  walikuwa  wamepata    taarifa  za  kuwa  watuhmiwa  hao  wamepanga  kwenda  kufanya   ujangili   wa  kuuwa   wa  Wanyama ndani ya  hifadhi ya  Taifa  ya  Katavi .

Kufutia  taarifa  hizo   askari  wa   Hifadhi ya    Katavi  waliaandaa   mtego  wa  kuwakamata  na  ndipo  hapo  jana  waliweza  kufanikiwa  kuwakamata  watuhimwa  hao  wakiwa  ndani ya  basi la   kampuni ya   SBS    ambalo  hufanya  safari  zake  kutoka  Mpanda  kuelekea  Mpimbwe  Wilayani  Mlele  lenye   Namba za  usajiri   T 223    ATW   ambapo  watuhmiwa  walikamatwa   wakiwa  wanatokea  Wilayani  Mpanda.

  Walisema     baada ya  kufanya  upekuzi  kwenye   basi  hilo  ndipo  walipoweza   kuwakamata  watuhumiwa  hao  wakiwa  na   bunduki   aina  ya  SMG   yenye   Namba   za  usajiri    za  Nchi ya  Uganda   No     UA   4461/1997   na   risasi   10  za  SMG   zikiwa  kwenye   magazine  wakiwa  wamehifadhi  ndani ya   beji lao  walilokuwa  wakisafiria .

Baada ya  kuwa  wamewakamata  watuhumiwa  hao    Askari wa  Tanapa  walikenda   kufanya  upekuzi  katika  nyumba  ya  mtuhumiwa    mmoja  wao  kati ya  hao  watatu   anae  ishi  katika  Mtaa  wa  Uwanja  wa  ndege   Manispaa  ya    aliyejulikana kwa  jina   moja    la  Mandago   waliweza   kumkuta  na     risasi   tano     za  Bunduki  ya  SMG  akiwa   amehifadhi  ndani ya  nyumba  yake  na  kufanya  idadi  ya  risasi  zilizokamatwa  kwenye  tukio  hilo  kuwa    15.

  Kabla  ya  kukamatwa  kwa  watuhumiwa       hao     askari  wa   Hifadhi ya  Taifa  ya   Katavi   walikuwa  kwenye   dolia  zao   wiki  mbili  zilizopita   walikuta  tembo   akiwa   ameuwawa    ndani  ya  Hifadhi ya  Katavi       ambae   walimkuta  akiwa   hajatolewa   meno  yake na       majangili    ambao  walikimbilia  kichakani  baada  ya  kuwaona    askari  wa   Tanapa .

  Ndipo   baada ya  kuuwawa  kwa  tembo  huyo   Tanapa  walianza  kufanya  msako    mkali  kwa  kutumia  kikosi  chake  cha   upelelezi  na  ndipo  walipoweza  kufanikiwa  kuwakamata  watuhmiwa  hao  ambao  walikuwa   wakielekea   kufanya   ujangili   kwenye   hifadhi  ya  Taifa  ya  Katavi .

Kamanda   wa  Polisi wa   Mkoa  wa   Katavi   Damas   Nyanda    amethibisha  kukamatwa  kwa  watuhumiwa  hao  watatu  katika  tukio  hilo   ambao  mtuhumiwa   mmoja  katika  yao  anakesi  nyingine  kwenye   Mahakama  ya   Wilaya  ya   Mpanda  kwa  tuhuma  za  ujambazi  na   alikuwa  nje  kwa   dhamana .

  Alisema  jeshi   la  polisi     bado  linaendelea  kuwashikilia  watuhumiwa  hao  kwa  mahojiano  zaidi  na  mara  baada  ya  uchunguzi  kukamilika    watuhumiwa  watafikishwa  mahakamani  ili  wakajibu  tuhuma  zinazo  wakabili .

MWISHO