MKURUGENZI MLELE ATOWA AGIZO KWA WATUMISHI

   Na  Walter   Mguluchuma.

       Katavi

 Mkurugenzi   Mtendaji  wa  Halmashauri ya  Wilaya  ya  Mlele   Mkoa  wa  Katavi   Alex  Kaguze amewaagiza   watumishi wa  Halmashauri  hiyo  kuwa  karibu  na  Wananchi ili wawze  kubaini na kutatua  kwa  haraka  kero  zinazowakabili  Wananchi  bila kusukumwa na  viongozi .

 Kaguza  alitowa  agizo  hilo  hilo  hapo  jana  wakati wa  mara  baada ya kukabidhiwa  ofisi  na  aliyekuwa  Mkurugenzi wa  Halmashauri  ya Mlele   Godwin  Benne ambae  amestaafu ,

Alisema  kuwa  katika   Halmashauri   hapa  Nchini h kuna  hari  ambayo  imezoweleka ya watumishi  kutowafikia  Wananchhi  kwa wakati  kitendo  ambacho  kimekuwa kikipelekea  Wananchi  kukosa  huduma  stahiki  ikiwa ni  pamoja na kurudisha  nyuma    maendeleo ya  jamii.

Aliongeza kuwa  miongoni  mwa  kero  zinazowakabili  wananchi  ni  pamoja   na kukosekana kwa   huduma za  afya , Maji safi ,  Elimu  bora  na  miundo mbinu  mbalimbali .

 Alisema  endapo  watumishi  hawaka  kuwa  karibu na  wananchi itakuwa  sio  jambo  rahisi kwao kutatua  changamoto  ambazo   zinawakabili wananchi  katika  Halmashauri  hiyo .

Kwa  upande wake  aliyekuwa  Mkurugenzi wa  Halmashauri  hiyo   Godwin  Benne aliwataka   watumishi  watowe ushirikiano  kwa  mkurugenzi  huyo  mpya kama walivyokuwa  wakimpatia yeye  kwa  kupitia  kaulimbiu  ya  Mlele  bila  umaskini inawezekana  twende pamoja .

 Benne pia  aliwaomba watumishi wa  Halmashauri  hiyo  kufanya kazi kwa bidii ili kulinda   heshima  iliyopewa  Halmashauri ya  Mlele  kwa kipindi cha miaka miwili mfululizo  ya kupata  hati safi  na ushindi  katika   Nyanja  mbalimbali  ikiwa   na pamoja  na mbio za Mwenge  2014 na 2015 kimkoa na kikanda ,Kiwango cha ufaulu  kwa  Elimu ya  Msingi  na  Sekondari .

Nae  mwakilishi wa  Watumishi wa  Halmashauri  hiyo   Seif   Makome  ambae ni mkuu wa Idara  ya  Mipango  takwimu na ufuatiliaji  alimshukuru  mkurugenzi aliyestaafu   Godwin Benne  kwa uchapakazi wake katika kipindi cha uongozi wake  katika  kipindi cha miaka mitatu aliyoingoza  Halmashauri ya Mlele.

Alisema   Halmashauri ya  Mlele  ilianzishwa  mwaka 2013 Julai  chini ya  Mkurugenzi   Mtendaji  Godwin  Benne ambapo  hadi sasa   Halmashauri  hiyo  imetimiza miaka mitatu  tangu kuanzishwa kwake  na imekuwa ni miongoni  mwa  Halmashauri  ambayo imepiga hatua za Maendeleo.