RC KATAVI AZIAGIZA HALMASHAURI KUTENGA BAJETI YA BARABARA KWENYE MAENEO YA WAKULIWA WA TUMBAKU.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

       

 Walter  Mguluchuma

           Katavi

Mkuu wa Mkoa wa  Katavi     Meja  Genelali  Mstaafu  Raphael  Muhuga  ameziagiza  Halmashauri  zote za  Mkoa wa Katavi  zenye  maeneo yanayolima  Tumbaku  zitenge  bajeti  ya matengenezo  ya  barabara   kwa ajiri  maeneo yote  yanayolima  Tumbaku  napia  wajenge  malambo  ya maji  kwa ajili ya mifugo  ili  kupunguza  athari  zinazo jitokeza  za kugombea  maji kati  ya wakulima na wafugaji.

Agizo  hilo alilitowa  hapo  jana  wakati  wa  sherehe  za uzinduzi  wa  msimu wa ununuzi  wa masoko  ya  Tumbaku  uliofanyika  katika  Kijiji  cha Igagala  chama cha Msingi cha ushirika wa Wakulima wa Tumbaku  cha  Mpanda  Kati .

 Alisema  Serikali  ya Mkoa  inatambua  kuwa zao  la  Tumbaku  licha  ya  kuingiza  kipato  cha mkulima  pia lina  mchango  mkubwa  kwa Serikali  kwa ujumla  kwa ushuru unao tozwa  kwa makampuni yanayonunua  Tumbaku  na  upatikanaji  wa  fedha za  kigeni  kwa Tumbaku inayouzwa   nje ya  Nchi.

Mkuu huyo wa  Mkoa  alifafanua kuwa  msimu wa kilimo wa 2014 na 2015 wakulima  wa  vyama  vya ushirika  wa Tumbaku vya Mkoa wa  Katavi  walizalisha  kilo 11,910,459 ambazo ni  sawa na Dola za   Kimarekani  22,380,542 ambazo ni  sawa   na  Tsh  44,761,085,440 ambapo  Halmashauri za Mkoa wa Katavi  zililipwa kiasi  cha shilingi  Bilioni  mbili  milioni  mia  mbili  sitini  na moja  laki  tisa  na  elfu tano   kutokana na ushuru wa mauzo  hayo ya Tumbaku .

 Alitowa  onyo kwa  walanguzi  wa Tumbaku  na  kwa wakulima wa  Tumbaku  wanauza  pembejeo  na Tumbaku  kwa  lengo la kukwepa   madeni  na  kusababisha  upungufu  wa pesa  za kuwalipa  wakulima wanzao  nakusababisha  madeni  yasiyo lipika au kulipwa.

 Meja  Jenarali  mstaafu  Muhuga   alieleza  kuwa  bodi ya Tumbaku  imepewa  dhamana kubwa  ya kuamua  maslahi  mapana  ya wakulima  hivyo wanao wajibu wa kuhakikisha  mkulima  anapewa  bei   halali  kulingana  na  tumbaku  ilivyo.

Na  kwa   makampuni  yanayofanya   hila  za  kudho0fisha   harakati  za wakulima  wa Tumbaku  kupitia   vyama  vyao  vya ushirika  katika  kuondoa  umaskini  yatambue  kwamba  kufanya hivyo  ni  kosa   kwani uchumi  unaodidimizwa  si  wa mkulima  peke yao bali  ni wa Taifa pia   hivyo  Bodi ya  Tumbaku  Mkoani Katavi  isimamie  utekelezwaji  wa  Sheria  na kanuni  zinazoongoza  kilimo cha  Tumbaku  Nchini  Tanzania  na  si vinginavyo.

Kwa  upande  wake   Mwenyekiti   wa   Chama kikuu cha ushirika cha  wakulima wa  Tumbaku  Mkoa wa  Katavi    LATCU  Modesti  Yamlinga   aliziomba   Halmashauri zilizopo   katika  Mkoa  wa Katavi   zitowe  ushirikiano  kwa vyama vya  Ushiririka  vya  msingi  katika  suala  la upadaji wa miti  na wanaziomba  zitenge  bajeti  kwa ajiri ya  kufanikisha upandaji wa miti.

Yamlinga  alisema  wanaiomba  Serikari  isaidie  vyama  vya ushirika  kapata  zaidi  makampuni  ya  ununuzi wa Tumbaku  ili kuleta  ushindani  kwa makampuni  yaliyopo  ili  vyama  vya ushirika  vipate uhuru  wa biashara  na kuongeza   tija  ya kipato  na kuondoa  adha  kwa wakulima wao  kwa usumbufu  wanaosababishiwa  na baadhi ya makampuni  yaliyopo  unao fanywa kwa makusudi.

 Alieleza  umefika wakati  sasa   kwa  Halmashauri zote za  Mkoa wa  Katavi  kuzifanyia ukarabati   barabara  za maeneo yanayolima  Tumbaku  ili  magari  yanayobeba  kufika kwenye maghara  ya kuuzia  Tumbaku  kwani  lipo  tatizo  la  magari kutofika kwa urahisi  karibu  kila  eneo  la  chama  cha Msingi  kutokana  na ubovu wa barabara .

 Alisema   chama Kikuu  cha ushirika cha wakulima wa Tumbaku  LATCU  kinaundwa na  vyama vya  msingi  saba  ambavyo ni   Nsimbo ,Katumba ,  Ilunde,  Mishamo , Mpandakati ,Ukonongo  na  Kasokola na  makampuni  yanayonunua  Tumbaku ni  mawili tuu ambayo ni   TLTC, Premium Active.