CHADEMA KATAVI WAPATA VIONGOZI WAPYA

CHAMA cha Demokrasia na Maendeleo (CHADEMA), Mkoa wa Katavi, kimekamilisha safu ya uongozi wake baada ya kupata viongozi wapya katika uchaguzi uliyofanyika hivi karibuni.

Katika uchaguzi huo uliyosimamiwa na Christopher Nyamwanji, nafasi ya Mwenyekiti ilikwenda kwa Laurant Sanga.

Aidha, Nyamwanji alimtangaza Almas Ntije kuwa Katibu ambaye alikuwa mgombea pekee.

Kwa upande Bavicha, Francis Sylvester alishinda uenyekiti huku upande wa Baraza la Wazee Mwenyekiti akishinda Milambo Ntamila na Bawacha ni Irene Lupembe.

Kwa upande wa Wilaya ya Mpanda, Mwenyekiti aliibuka Abrahamu Mapunda huku Katibu ni Idd Faraji, wakati Mjumbe wa mkutano mkuu taifa alishinda Nassor Arfi.

Kwa upande wa Wilaya ya Mlele, Mwenyekiti alishinda Augustino Nsokolo ambaye alikuwa mgombea pekee, wakati Katibu ni Sebastian Kasinge huku mjumbe wa mkutano mkuu akiibuka Samweli Mpate.

 Chanzo;Tanzania Daima

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.