WAKULIMA WA TUMBAKU KATAVI WAPANDA ZAIDI YA MITI MILIONI 4.2

Na Walter Mguluchuma

Katavi

Wakulima wa vyama vya ushirika k vya Msingi vya wakulima wa Tumbaku wa Mkoa wa Katavi wamepanda jumla ya miti 4,247,748 sawa na Hekta 1,699 katika msimu wa mwaka 2013 na 2014 kwa ajiri ya utunzaji wa mazingira

Hayo yalielezwa hapo jana katika risara ya wakulima wa Tumbaku wa Mkoa wa Katavi iliyosomwa na Meneja mkuu wa Chama kikuu cha wakulima wa Tumbaku cha Mkoa wa Katavi (LATCU LTD) wakati wa maadhimisho ya sherehe ya kutimiza miaka 20 ya Chama kikuu cha wakulima wa Tumbaku LATCU LTD yaliyofanyika jana kwenye viwanja vya idara ya maji mjini Mpanda

Mgeni Rasmi kwenye maadhimisho hayo alikuwa ni waziri wa kilimo chakula na ushirika Mwandisi C ristopher Chiza ambae aliwakilishwa na kaimu mkuu wa Mkoa wa Katavi Paza Mwamlima

Alisema katika kuhakikisha kuwa kilimo cha Tumbaku kinakuwa endelevu wakulima wa tumbaku wa Mkoa wa Katavi swala la utunzaji wa mazingira wamelipa kipau mbele kwa kupanda miti na kutunaza miti ya asili

Risala hiyo ilieleza kuwa vyama vya ushika vya msingi vya wakulima wa Tumbaku vya Mkoa wa Katavi vinatekeleza sheria na kanuni za kilimo cha tumbaku zinaeleza kuwa kila mkulima wa tumbaku hapa nchini anatakiwa kupanda miti 550 na wakulima wa Tumbaku wa Mkoa wa Katavi wanafanya hivyo

Kwa msimu wa mwaka 2014 na 2015 vyama vya ushirika vya msingi vya wakulima wa tumbaku vya Mkoa wa Katavi vimeweka mkakati wa wakulima kupanda jumla ya miti 2,675,669 sawa na hekta 1,070 sambamba na kutenga maeneo ya kuhifadhi miti asili hekta 1,597 sawa na miti 3,993,631 ambazo zitatunzwa na kuifadhiwa kwenye vyama vya msingi kwa ajiri ya matumizi ya baadae

Kilo alisema pamoja na juhudi hizo za vyama vya msingi vya ushirika kupambana na uharibi wa mazingira kwa kupanda miti na kutenga maeneo ya kuhifadhi na kutunza miti asili wamekuwa wakikabiliwa na changamoto mbalimbali

Changamoto hizo alizitaja kuwa ni watu kuchoma moto ovyo na wachungaji wa mifugo kuchungia mifugo katika mashamba ya miti na hifadhi za miti ya asili

Hivyo wanaiomba Serikali kuu na Serikali za mitaa kuwa na sheria kali ili kukabiliana na uharibufu huo ambao unaweza ukasababisha vyama vya ushirika na wakulima wao kukata tamaa

Kwa upande wake Waziri wa kilimo chakula na ushirika mwandisi Cristopher Chiza aliwataka wakulima wa Tumbaku hapa nchini kuangalia njia mbadala ya kutumia makaa ya mawe kwa ajiri ya kuchomea tumbaku badala ya kuendelea kutumia kuni ili kuepukana na uharibifu wa mazingira